Andhra Pradesh

మంచి కుక్కని పిచ్చికుక్క అని ప్రచారం చేసి... కోడెల మృతిపై చంద్రబాబు

By telugu teamFirst Published Sep 17, 2019, 9:06 AM IST

Highlights

కోడెల కుటుంబసభ్యులను అధికార వైసీపీ నేతలు వేధించారని చంద్రబాబు ఆరోపించారు. భారతదేశ చరిత్రలోనే ఇలాంటి ఘటన జరగలేదని చెప్పారు. ఎమ్మెల్యే, మంత్రి, స్పీకర్ గా పనిచేసిన వ్యక్తికి ఇలాంటి మరణం చాలా బాధాకరమని ఆయన అన్నారు. మంచి కుక్కని పిచ్చికుక్క అని చెప్పి ప్రచారం చేసి ఎలా చంపుతారో కోడెలను కూడా అలా చేశారు.

వేధించి, హింసించడం వల్ల మనిషి చనిపోతే ఏమనాలంటూ టీడీపీ అధినేత, మాజీ సీఎం చంద్రబాబు నాయుడు ప్రశ్నించారు. సోమవారం ఏపీ అసెంబ్లీ మాజీ స్పీకర్, టీడీపీ సీనియర్ నేత కోడెల శివప్రసాదరావు ఆత్మహత్య చేసుకున్న సంగతి తెలిసిందే. ఆయన ఆత్మహత్యపై సోమవారం ఎన్టీఆర్ ట్రస్ట్ భవన్ లో చంద్రబాబు మాట్లాడారు.

పాత ఫర్నీచర్ కోసం జీవిత శిక్ష వేసే కేసులు పెడతారా అని చంద్రబాబు ప్రశ్నించారు. లక్షల రూపాయల ఫర్నీచర్ కోసం ఆత్మహత్య చేసుకునేలా చేస్తారా అని ప్రశ్నించారు. కోడోలను మానసికంగా, శారీరకంగా, ఆర్థికంగా వేధించారని ఆరోపించారు. కోడెల కిరాయి ఇంట్లో ఉన్నారని ఈ సందర్భంగా చంద్రబాబు గుర్తు చేశారు.

కేవలం రెండు నెలల్లో కోడెలపై ఏకంగా 19 కేసులు పెట్టారని చంద్రబాబు మండిపడ్డారు. తప్పు చేసి జీవితం ముగిసిపోతే అర్థం చేసుకోవచ్చని...కానీ ఈ విధంగా బాధపడుతూ చనిపోతే అది క్షమించరాని నేరం అవుతుందన్నారు.పులిలాంటి వ్యక్తి భయపడిపోయేలా చేశారని చంద్రబాబు ఆవేదన వ్యక్తం చేశారు.

మంచి కుక్కని పిచ్చికుక్క అని ప్రచారం చేసి... కోడెల మృతిపై చంద్రబాబు

Related Posts