టీడీపీ ఖాళీయే: బీజేపీ నేత విష్ణుకుమార్ రాజు

తాము డోర్లు తెరిస్తే  ఏపీలో టీడీపీ ఖాళీ అవుతోందని  బీజేపీ మాజీ ఎమ్మెల్యే విష్ణుకుమార్ రాజు సంచలన వ్యాఖ్యలు చేశారు. ఏపీలో టీడీపీ నేతలు కెప్టెన్ లేని షిప్ వంటిదని అభిప్రాయపడ్డారు.

అమరావతి: తాము డోర్లు తెరిస్తే  ఏపీలో టీడీపీ ఖాళీ అవుతోందని  బీజేపీ మాజీ ఎమ్మెల్యే విష్ణుకుమార్ రాజు సంచలన వ్యాఖ్యలు చేశారు. ఏపీలో టీడీపీ నేతలు కెప్టెన్ లేని షిప్ వంటిదని అభిప్రాయపడ్డారు.

గురువారం నాడు బీజేపీ నేత విష్ణుకుమార్ రాజు మీడియాతో మాట్లాడారు. తమతో  టీడీపీ నేతలు టచ్‌లో ఉన్నారని ఆయన చెప్పారు. గత కొంత కాలంగా  తమ పార్టీపై టీడీపీ చీఫ్ చంద్రబాబునాయుడు తప్పుడు ప్రచారం చేశారని  ఆయన గుర్తు చేశారు.

2024 నాటికి ఏపీలో టీడీపీ ఉండదన్నారు.  తెలంగాణలో నాశనమైనట్టుగానే ఏపీలో కూడ టీడీపీ నాశనం కావడం ఖాయమని ఆయన జోస్యం చెప్పారు. ఏపీకి చెందిన బీజేపీ నేతలు గురువారం నాడు అమరావతిలో సమావేశమయ్యారు. 

ఈ సమావేశంలో  పార్టీ మారేందుకు ఎంత మంది టీడీపీ నేతలు సిద్దంగా ఉన్నారు. కాంగ్రెస్, జనసేన నుండి  ఇంకా ఎందరు వచ్చే అవకాశం ఉందనే  విషయమై చర్చించారని తెలుస్తోంది.