మాధురీ దీక్షిత్ వయసు పెరుగుతున్నా అందం మాత్రం తగ్గలేదు. ముఖ్యంగా ఆమె జుట్టు చాలా అందంగా ఉంటుంది. మరి, ఆమె హెయిర్ సీక్రెట్ ఏంటో తెలుసా?
సినిమా నటులంటే అంతా మార్కెట్లో దొరికే బ్యూటీ ప్రొడక్ట్స్ వాడతారనుకోవడం సహజం. డబ్బుంటే ఏదైనా కొనుక్కోవచ్చు అనుకుంటాం. కానీ ఆరోగ్యం విషయంలో మాత్రం అది నిజం కాదు. బాలీవుడ్ బ్యూటీ మాధురి దీక్షిత్ కూడా ఇదే చెబుతుంది.
తన అందం, నటనతో ప్రేక్షకుల హృదయాల్లో చోటు సంపాదించుకున్న మాధురి, తన బ్యూటీ టిప్స్ సోషల్ మీడియాలో షేర్ చేస్తూ ఉంటారు. ఇటీవలే తాను తాగే పానీయాల గురించి, తన అందానికి కారణాల గురించి చెప్పారు. కెమికల్ క్రీమ్స్, ఫేషియల్స్ వాడకుండా, మార్కెట్లో దొరికే షాంపూలు వాడకుండా, సహజంగానే అందాన్ని ఎలా కాపాడుకోవాలో చెప్పారు.
తన యూట్యూబ్ ఛానల్లో హెయిర్ కేర్ గురించి మాధురి టిప్స్ ఇచ్చారు. ఆరోగ్యకరమైన జీవనశైలి, నీళ్ళు ఎక్కువగా తాగడం వల్ల జుట్టు ఆరోగ్యంగా ఉంటుందని చెప్పారు. 'రోజూ నీళ్ళు ఎక్కువగా తాగండి, ఆరోగ్యకరమైన జీవనశైలి పాటించండి. ఇది జుట్టు ఆరోగ్యానికి చాలా ముఖ్యం' అని మాధురి అన్నారు. ఇంట్లోనే తయారు చేసుకునే హెయిర్ కేర్ టిప్స్ కూడా చెప్పారు.
Related Articles
హెయిర్ ఆయిల్ తయారీ
కావలసినవి: అరకప్పు కొబ్బరి నూనె, 15-20 కరివేపాకు ఆకులు, 1 స్పూన్ మెంతులు, 1 చిన్న తురిమిన ఉల్లిపాయ. వీటన్నింటినీ కలిపి మంట మీద కాచి, చల్లారనివ్వాలి. బాటిల్లో వడకట్టి, రెండు రోజులు అలాగే ఉంచాలి. తర్వాత వారానికి ఒకసారి రాత్రి తలకు మసాజ్ చేసి, ఉదయం తలస్నానం చేయాలి.
హెయిర్ మాస్క్ తయారీ
కావలసినవి: 1 అరటిపండు ముక్కలు, 2 స్పూన్ల పెరుగు, 2 స్పూన్ల తేనె. వీటన్నింటినీ కలిపి, తలస్నానం చేసే 30-40 నిమిషాల ముందు తలకు పట్టించాలి. షవర్ క్యాప్ పెట్టుకోవచ్చు. 30-40 నిమిషాల తర్వాత షాంపూతో తలస్నానం చేయాలి. కండిషనర్ వాడకపోవడం మంచిది. ఈ మాస్క్ వాడితే జుట్టు మెత్తగా, మెరుస్తూ ఉంటుంది.
