తెలంగాణ అసెంబ్లీని సందర్శించిన పంజాబ్ స్పీకర్ కుల్తార్ సింగ్...

హైదరాబాద్ : పంజాబ్ అసెంబ్లీ స్పీకర్ సర్ధార్ కుల్తార్ సింగ్ సంధ్వాన్ తెలంగాణ అసెంబ్లీని సందర్శించారు. హైదరాబాద్ నాంపల్లిలోని అసెంబ్లీ భవనానికి విచ్చేసిన కుల్తార్ సింగ్ బృందానికి తెలంగాణ స్పీకర్ పోచారం శ్రీనివాసరెడ్డి, మండలి చైర్మన్ గుత్తా సుఖేందర్ రెడ్డి స్వాగతం పలికారు. ఈ సందర్భంగా తెలంగాణ అసెంబ్లీ నిర్వహణ, పనితీరును పోచార పంజాబ్ స్పీకర్ కు వివరించారు. అనంతరం పంజాబ్ స్పీకర్ కుల్తార్ సింగ్ ను శాలువాతో సత్కరించి మొమెంటో బహూకరించారు స్పీకర్ పోచారం, మండలి చైర్మన్ గుత్. పంజాబ్ స్పీకర్ తో పాటు ఎమ్మెల్యే 
కల్వంత్ సింగ్ పండోరి, మాజీ ఎమ్మెల్యే అమర్జీత్ సింగ్, తెలంగాణ ఎమ్మెల్యే బిగాల గణేష్ గుప్తా, అసెంబ్లీ సెక్రటరీ వి నరసింహా చార్యులు ఈ కార్యక్రమంలో పాల్గొన్నారు.