లులు మాల్ ను శుద్ధీకరణ చేస్తానంటూ వచ్చిన అయోధ్య సాధును పోలీసులు అరెస్టు చేశారు. ఆ సాధువు లోపలికి వెళ్లి శుద్ధీకరణ ప్రక్రియ మొదలు పెట్టబోతుండగా పోలీసులు వేగంగా వచ్చి ఆయనను అదుపులోకి తీసుకున్నారు. 

లులు మాల్ వివాదాన్ని అధికారులు చాలా సీరియస్ గా తీసుకోవాలని యూపీ సీఎం యోగి ఆదిత్యనాథ్ అన్నారు. ఆ వ్యాపార సంస్థకు నష్టం చేకూర్చేవిధంగా కొందరు కావాలనే ఇలాంటి ప్రదర్శనలు ఇస్తున్నారని తెలిపారు. బహిరంగ ప్రదేశాల్లో మతపరమైన కార్యక్రమాలకు అనుమతి లేదని మరో సారి తేల్చి చెప్పారు. 

లక్నోలోని లులు మాల్ నెలకొన్న నమాజ్ వివాదం ఇంకా చల్లారడం లేదు. నమాజ్ చేసిన వారిలో ముస్లిమేతరులు ఉన్నాయని మీడియాలో వస్తున్న వార్తలను పోలీసులు ఖండించారు. అవి నిజం కావని అన్నారు. అలాగే తమ సంస్థలు 80 శాతం ఉద్యోగులు హిందువులేనని మాల్ యాజమాన్యం ఓ ప్రకటన విడుదల చేసింది. 

యూపీ సీఎం యోగి ఆదిత్యనాథ్ లక్నో సిటీలో ఇటీవల ఓ మాల్ ను ప్రారంభించారు. అయితే కొన్ని రోజుల వ్యవధిలోనే ఆ మాల్ ప్రాంగణంలో కొందరు నమాజ్ చేశారు. బహిరంగ ప్రదేశాల్లో నమాజ్ చేయడంలో లక్నోలో నిషేధంలో ఉంది. దీనికి సంబంధించిన వీడియో వైరల్ కావడంతో వివాదం మొదలైంది.