సెక్స్ టార్షన్ రాకెట్: ఎంపీలు, ఎమ్మెల్యేలు, అదికారులు వారి టార్గెట్
సెక్స్ టార్షన్ రాకెట్ గుట్టును ముంబై క్రైమ్ బ్రాంచ్ పోలీసులు రట్టు చేశారు. ఇందుకు సంబంధించి ముగ్గురిని అరెస్టు చేశారు. ఎమ్మెల్యేలను, ఎంపీలను, అధికారులను ఆ రాకెట్ లక్ష్యం చేసుకున్నట్లు పోలీసులు గుర్తించారు.
ముంబై: ఎంపీలు, ఎమ్మెల్యేలు, ప్రభుత్వాధికారులను లక్ష్యంాగ చేసుకుని సాగుతున్న సెక్స్ టార్షన్ రాకెట్ గుట్టును పోలీసులు రట్టు చేశఆరు ఈ రాకెట్ తో సంబంధం ఉన్న రాజస్థాన్, హర్యానా, ఉత్తరప్రదేశ్ రాష్ట్రాలకు చెందిన ముగ్గురిని ముంబై క్రైమ్ బ్రాంచ్ పోలీసులు ఆదివారం ఆరెస్టు చేశారు.
మహిళల ఫేక్ ప్రొఫైల్స్ ద్వారా వారితో పరిచయం పెంచుకుంటుంది. ఆ తర్వాత వారాంతంలో వాట్సప్ వీడియో కాల్స్ ద్వారా మరింత సన్నిహితమవుతుంది. కొంత కాలం తర్వాత పోర్న్ వీడియోలు చూసే విధంగా వారిని ప్రోత్సహిస్తుంది. పోర్న్ వీడియోలను చూస్తున్న సమయంలో ఓ యాప్ ద్వారా వారి ముఖ కవళికలను రికార్డు చేస్తుంది.
ఆ తర్వాత ఆ వీడియోలను ఎడిట్ చేసి బ్లాక్ మెయిల్ కు పాల్పడుతుంది. ఈ వీడియోలను సోషల్ మీడియాలో పెడుతామంటూ డబ్బులు డిమాండ్ చేస్తుంది. మొదట్లో తక్కువ డబ్బులు అడిగి, ఆ తర్వాత పెద్ద మొత్తంలో డిమాండ్ చేస్తూ వస్తుంది.
ఈ ముఠా 171 ఫేక్ ఫేస్ బుక్ ఖాతాలను, నాలుగు టెలిగ్రామ్ చానల్స్ ను, 54 మొబైల్ ఫోన్లను వాడుతున్నట్లు పోలీసులు గుర్తించారు. నిందితులను అరెస్టు చేసిన తర్వాత 58 బ్యాంక్ ఖాతాలను సీజ్ చేశారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
