Union Budget 2023: 13 శాతం పెరిగి రూ.5.94 లక్షల కోట్లకు చేరుకున్న రక్షణ వ్యయం
New Delhi: బుధవారం దేశానికి కొత్త బడ్జెట్ వచ్చేసింది. కేంద్ర ఆర్థిక మంత్రి నిర్మలా సీతారామన్ ఈరోజు ఉదయం 11 గంటల నుంచి 2023-24 ఆర్థిక సంవత్సరానికి గాను కేంద్ర బడ్జెట్ 2023ను పార్లమెంట్‌లో ప్రవేశపెట్టారు. ఈ కేంద్ర బడ్జెట్ మోడీ ప్రభుత్వ రెండవ దఫాలో చివరి పూర్తి బడ్జెట్ అవుతుంది.
Union Budget 2023: కేంద్ర ఆర్థిక మంత్రి నిర్మలా సీతారామన్ బుధవారం ఉదయం 11 గంటలకు 2023-24 ఆర్థిక సంవత్సరానికి గాను కేంద్ర బడ్జెట్ 2023ను పార్లమెంట్‌లో ప్రవేశపెట్టారు. ఈ కేంద్ర బడ్జెట్ మోడీ ప్రభుత్వ రెండవ దఫాలో చివరి పూర్తి బడ్జెట్ అవుతుంది. అయితే, ఈ సారి బడ్జెట్ లో రక్షణ రంగ వ్యయం కేటాయింపులు భారీగా పెరిగాయి. రక్షణ వ్యయం 13 శాతం పెరిగి, 5.94 లక్షల కోట్లకు చేరుకుంది.
వివ‌రాల్లోకెళ్తే.. కొత్త యుద్ధ విమానాలు, జలాంతర్గాములు, ట్యాంకులతో సహా అధునాతన ఆయుధ వ్యవస్థలను అభివృద్ధి చేయడానికి / కొనుగోలు చేయడానికి సైన్యానికి అనుమతించడానికి 2023/24 రక్షణ బడ్జెట్ ను 12.95 శాతం వరకు పెంచ‌డం అంటే.. రూ.5.25 లక్షల కోట్ల నుండి రూ .5.94 లక్షల కోట్లకు పెంచనున్నట్లు ఆర్థిక మంత్రి నిర్మలా సీతారామన్ బుధవారం కేంద్ర ప్రభుత్వ బడ్జెట్ ప్రవేశపెట్టినప్పుడు చెప్పారు. మూలధన వ్యయానికి బడ్జెట్ ను సుమారు రూ.10,000 కోట్లు పెంచి రూ.1.62 లక్షల కోట్లకు చేర్చారు.
సాయుధ దళాల ఆధునీకరణ బడ్జెట్ కూడా రూ.1.52 లక్షల కోట్ల నుంచి రూ.1.62 లక్షల కోట్లకు పెరిగింది. ఇందులో గణనీయమైన భాగం ప్రభుత్వ 'మేకిన్ ఇండియా' కార్యక్రమానికి అనుగుణంగా దేశీయ తయారీదారుల నుండి ఆయుధ వ్యవస్థలు, పరికరాలను కొనుగోలు చేయడానికి సంబంధించిన‌వి ఉన్నాయి. ఆధునీకరణ బడ్జెట్ లో పెరుగుదల కేవలం 6.5 శాతం మాత్రమే.. ఇది ఒక మోస్తరు పెంపుగా పరిగణించబడుతుంది. 2022-23లో మూలధన వ్యయానికి బడ్జెట్ కేటాయింపుల సవరించిన అంచనాలు రూ.1.5 లక్షల కోట్లుగా ఉన్నాయి.
జీతభత్యాలు, సంస్థల నిర్వహణ సహా రెవెన్యూ ఖర్చుల కోసం రూ.2.70 లక్షల కోట్లు కేటాయించినట్లు బడ్జెట్ పత్రాలను ఉటంకిస్తూ పీటీఐ వార్తా సంస్థ నివేదించింది. 2022-23లో రెవెన్యూ వ్యయానికి బడ్జెట్ కేటాయింపులు రూ.2.39 లక్షల కోట్లుగా ఉన్నాయి. రక్షణ రంగం పింఛన్ల కోసం రూ.1.38 లక్షల కోట్లు కేటాయించారు. స్వదేశీ యుద్ధ విమానాల్లో పెట్టుబడులు పెట్టడంతో పాటు నెక్ట్స్ జనరేషన్ (4.5) యుద్ధ విమానాలను చేర్చే ప్రణాళికల్లో భాగంగా కొత్త యుద్ధ విమానాలను కొనుగోలు చేయాలని వైమానిక దళం యోచిస్తోంది.
నావికాదళం కూడా ఫ్రాన్స్ నుండి యుద్ధ విమానాలను కొనుగోలు చేయాలని చూస్తోంది, కానీ ప్రక్రియలు ఇంకా ప్రారంభం కానందున ఆ ఒప్పందం ఈ సంవత్సరం ముగిసే అవకాశం లేదు. ఐఎన్ఎస్ విక్రమాదిత్య భాగస్వామ్యంతో దేశీయంగా అభివృద్ధి చేసిన విమాన వాహక నౌక ఐఎన్ఎస్ విక్రాంత్ కోసం 26 కొత్త డెక్ ఆధారిత యుద్ధ విమానాల కోసం ఫ్రాన్స్ తయారీ రాఫెల్-ఎం గత సంవత్సరం యునైటెడ్ స్టేట్స్ కు చెందిన ఎఫ్ / ఎ -18 సూపర్ హార్నెట్ ను వెన‌క్కి నెట్టింది.
ఇదిలావుండగా, లడఖ్ ఫ్రంట్ లో ఆపరేషన్ అవసరాల కోసం తేలికపాటి ట్యాంకులు, ఆర్టిలరీ గన్ లను కొనుగోలు చేసే ప్రక్రియను సైన్యం ప్రారంభించనుందని పీటీఐ నివేదించింది. ఇదే విష‌యం పై రక్షణ శాఖ మంత్రి రాజ్ నాథ్ సింగ్ స్పందిస్తూ.. ఈ ఏడాది బడ్జెట్ సానుకూల మార్పులు తీసుకువస్తుందని ఆశిస్తున్నట్లు తెలిపారు. 5 ట్రిలియన్ అమెరికన్ డాలర్ల ఆర్థిక వ్యవస్థగా ఎదగాలన్న త‌మ లక్ష్యాన్ని సాధించడానికి త‌మ‌ను ముందుకు న‌డుపుతుంద‌ని తెలిపారు.
భారత రక్షణ రంగం గురించి రాష్ట్రపతి ద్రౌప‌ది ముర్ము సైతం స్పందించారు. మంగళవారం పార్లమెంట్ సమావేశాల ప్రారంభోపన్యాసం చేస్తూ భారత రక్షణ ఎగుమతులను మోడీ ప్రభుత్వం ఆరు రెట్లు పెంచిందని కొనియాడారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
