షుగర్ పేషెంట్స్ అస్సలు చేయకూడనిది ఇదే..!

డయాబెటీస్  ఈ రోజుల్లో చాలా కామన్ అయిపోయిందని చెప్పొచ్చు. చిన్నా, పెద్దా అనే తేడా లేకుండా అందరూ ఈ వ్యాధి బారినపడుతున్నారు. సరైన లైఫ్ స్టైల్ ఫాలో అవ్వకపోవడం, ఆహారపు అలవాట్లు తదితర కారణాల వల్ల  డయాబెటిస్ వస్తుంది.

ఒక్కసారి షుగర్ వ్యాధి బారినపడ్డారు అంటే.. అప్పటి నుంచి తమ రోజువారీ  అలవాట్లలో కొన్ని మార్పులు చేసుకోవడం చాలా  అవసరం. అప్పుడు మాత్రమే షుగర్ లెవల్స్ కంట్రోల్ లో ఉంచుకోవచ్చు. మరి, డయాబెటీస్ నియంత్రణలో ఉంచుకోవడానికి డయాబెటీస్ ఉన్నవారు అస్సలు చేయకూడని కొన్ని పనులు ఉన్నాయి. అవేంటో చూద్దాం...

డయాబెటిస్ ఉన్నవారు చేయకూడని 5 విషయాలు:

చెడు జీవనశైలి:

డయాబెటిస్ రావడానికి ప్రధాన కారణం చెడు జీవనశైలి. ఉదయం లేటుగా నిద్రలేవడం. అలాగే, రాత్రిపూట లేటుగా పడుకోవడం. ఇవి కాకుండా, పగలు అంతా ఏ విధమైన శారీరక శ్రమ లేకుండా ఉండటం. ఇలా ఉండటం వల్ల శరీరంలో వాతం, కఫం పెరుగుతాయి. వీటిని తప్పించడం చాలా ముఖ్యం. 

అందువల్ల వీటిని తప్పించడానికి, ప్రతిరోజూ 40 నిమిషాలు తప్పనిసరిగా వ్యాయామం చేయాలి. ఇలా ప్రతిరోజూ చేస్తే శరీరంలో రక్త ప్రసరణ సక్రమంగా ఉంటుంది, శరీరంలో ఆక్సిజన్ స్థాయిలను సరిగ్గా ఉంచుతుంది ఇన్సులిన్ ఉత్పత్తికి ఇది చాలా ఉపయోగపడుతుంది.

ప్రాసెస్ చేసిన ఆహారాలను దూరం పెట్టాలి..

నేటి ఆధునిక జీవనశైలిలో ప్రాసెస్ చేసిన ఆహారాలను తినే ధోరణి ప్రజలలో పెరిగింది. కానీ, ప్రాసెస్ చేసిన ఆహారాలు డయాబెటిస్ ఉన్నవారికి ప్రమాదకరం. అలాగే, తెల్ల చక్కెర, శుద్ధి చేసిన పిండి, గ్లూటెన్ ఉన్న ఆహారాలను తప్పించడం మంచిది.  వాటికి బదులుగా, తాజా పండ్లు, కూరగాయలు తినండి. ఇవి కాకుండా, జొన్నలు, రాగులు వంటి తృణధాన్యాలను ఆహారంలో చేర్చుకోండి. అవి రక్తంలో చక్కెర స్థాయిని నియంత్రిస్తాయి.

రాత్రిపూట ఆలస్యంగా తినకండి!

రాత్రిపూట ఆలస్యంగా తింటే రక్తంలో చక్కెర స్థాయి పెరుగుతుంది, అనేక వ్యాధులకు కారణమవుతుంది. అందువల్ల, డయాబెటిస్ ఉన్నవారు రాత్రి 8 గంటలకు తప్పనిసరిగా రాత్రి భోజనం ముగించాలి అని గుర్తుంచుకోండి.

తిన్న వెంటనే పడుకోకండి!

డయాబెటిస్ ఉన్నవారు తిన్న వెంటనే ఎప్పుడూ పడుకోకూడదు. అలా చేస్తే, రక్తంలో చక్కెర స్థాయి పెరుగుతుంది. అందువల్ల, డయాబెటిస్ ఉన్నవారు తిన్న తర్వాత కనీసం 30 నిమిషాలు నడిచి, ఆ తర్వాతే పడుకోవాలి. ఇలా చేయడం వల్ల జీర్ణక్రియ బాగుంటుంది.

మందులనే నమ్ముకోకండి!

ఆరోగ్యకరమైన జీవనశైలి లేకుండా డయాబెటిస్ మందులనే నమ్ముకుంటే  రక్తంలో చక్కెర స్థాయిని సరిగ్గా నిర్వహించలేరు. ఇది కాకుండా మందుల దుష్ప్రభావాల వల్ల కిడ్నీ, లివర్ సమస్యలు వచ్చే అవకాశాలు ఎక్కువగా ఉంటాయి.