నా కుక్కకు అక్రమ సంబంధం: లేఖ రాసిన యజమాని
కేరళ వాసి వింత ప్రవర్తనతో జంతు ప్రేమికులు షాక్ కు గురయ్యారు. పెంపుడు కుక్కకు అక్రమ సంబంధం ఉందని ఓ వ్యక్తి కుక్కను వదిలేశాడు.
తిరువనంతపురం:తన పెంపుడు కుక్కకు ఊర కుక్కతో అక్రమ సంబంధం ఉందని యజమాని ఆ కుక్కను వదిలేశాడు. ఆ కుక్క ప్రస్తుతం పీపుల్ ఫర్ ఎనిమల్స్ అనే స్వచ్ఛంధ సంస్థ సంరక్షణలో ఉంది.
కేరళ రాష్ట్ర రాజధాని తిరువనంతపురంలో ఓ కూడలి వద్ద పొమోరేనియన్ కుక్క ఉంది. ఈ కుక్క అదే పనిగా మొరుగుతుండడంతో స్థానికులు పీపుల్ ఫర్ ఎనిమల్(పీఎఫ్ఏ) అనే స్వచ్ఛంధ సంస్థ ప్రతినిధులకు సమాచారం ఇచ్చారు.
కుక్క ఎందుకు మొరుగుతుందనే విషయమై తెలుసుకొనే ప్రయత్నం చేశారు. కుక్క శరీరంపై గాయాలు ఉన్నాయా పరిశీలిస్తే కుక్క మెడకు ఓ ఉత్తరం కట్టి ఉంది. కుక్క యజమాని ఉత్తరం రాసి ఉంది. తనకు ఈ కుక్క అంటే చాలా ఇష్టమని ఆయన ఆ ఉత్తరంలో రాశాడు. కుక్క వయస్సు మూడేళ్లు. ఇది ఎంతో మంచిదని ఆ లేఖలో కితాబిచ్చారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
