భారతీయ కార్మికులకు పెరుగుతున్న డిమాండ్... ఇజ్రాయెల్ తర్వాత ఇప్పుడు తైవాన్.. లక్ష మందికి వెకెన్సీ....
తైవాన్ భారతీయులకు స్థానికులతో సమానమైన వేతనాలు, బీమా పాలసీలు అందిస్తోంది. అక్కడ వృద్ధుల జనాబా పెరిగి పోవడమే దీనికి కారణంగా తెలుస్తోంది.
Followతైవాన్ : తైవాన్ తమ దేశంలోని కర్మాగారాలు, పొలాలు, ఆసుపత్రులలో పని చేయడానికి 100,000 మంది భారతీయులను నియమించుకోవాలని యోచిస్తోంది. ఇందులో ఈ కార్మికులు వచ్చే నెల ప్రారంభంలో ఈ ద్వీప దేశానికి వెళ్లే అవకాశం ఉంది.
దీనికి సంబంధించి బ్లూమ్‌బెర్గ్ నివేదిక ప్రకారం, చైనా ముప్పును ఎదుర్కోవడానికి భారత్.. తైవాన్ తో తన సంబంధాలను బలోపేతం చేయడానికి ప్రయత్నిస్తున్నందున, రెండు దేశాలు వచ్చే నెలలో ఉపాధి చైతన్యం ఒప్పందంపై సంతకం చేయనున్నాయని ఈ పరిణామాలను గురించి తెలిసిన వారు చెబుతున్నారు.
గాజా హాస్పిటల్స్ పై ఇజ్రాయెల్ దాడులు.. 22 మంది మృతి...
తైవాన్ భారతీయులకు స్థానికులతో సమానమైన వేతనాలు, బీమా పాలసీలు అందిస్తోంది. ఇదిలా ఉండగా, తైవాన్‌కు వెళ్లేందుకు సిద్ధంగా ఉన్న భారతీయ కార్మికుల ఆరోగ్యాన్ని ధృవీకరించే పద్ధతి ప్రస్తుతం రూపొందుతోంది. ఇటీవలి సంవత్సరాలలో భారత్ ఉపాధి ఒప్పందంపై సంతకం చేసిన తాజా ద్వీప దేశం తైవాన్. ఇతర దేశాలలో జపాన్, ఫ్రాన్స్, యూకే ఉన్నాయి. నెదర్లాండ్స్, గ్రీస్, డెన్మార్క్, స్విట్జర్లాండ్‌లతో ఇలాంటి ఒప్పందాలు జరుగుతున్నాయి.
భారతదేశం-తైవాన్ ఉద్యోగాల ఒప్పందం ఇప్పుడు చర్చల చివరి దశలో ఉందని ఎంఈఏ అధికార ప్రతినిధి అరిందమ్ బాగ్చి గురువారం ధృవీకరించారు. తైవాన్ లో వృద్ధాప్య జనాభా వేగంగా పెరుగుతోంది. ఈ కారణంగా ఎక్కువ మంది కార్మికులు అవసరం అవుతోంది. ఈ నేపథ్యంలోనే ఈ పరిణామాలు చోటు చేసుకున్నాయి. ద్వీపం దేశమైన తైవాన్ 2025 నాటికి "సూపర్-ఏజ్డ్" సొసైటీగా మారనుంది. దాని జనాభాలో కనీసం ఐదవ వంతు మంది వృద్ధులు ఉన్నారు.
అక్టోబర్ 7న హమాస్ దాడి తర్వాత ఇజ్రాయెల్‌లో నిర్మాణ పనులు నిలిచిపోయాయి. కార్యకలాపాలను పునఃప్రారంభించడానికి, ఇజ్రాయెల్ నిర్మాణ పరిశ్రమ బెంజమిన్ నెతన్యాహు ప్రభుత్వాన్ని కోరింది, వివాదం ప్రారంభమైనప్పటి నుండి వర్క్ పర్మిట్లు రద్దు చేయబడిన 90,000 మంది పాలస్తీనియన్ల స్థానంలో 1 లక్ష మంది భారతీయ కార్మికులను నియమించుకోవడానికి కంపెనీలను అనుమతించాలని కోరింది.
వాయిస్ ఆఫ్ అమెరికా నివేదిక ఇజ్రాయెల్ బిల్డర్స్ అసోసియేషన్ వైస్ ప్రెసిడెంట్ హైమ్ ఫీగ్లిన్‌ని ఉటంకిస్తూ ఇలా పేర్కొంది : “ప్రస్తుతం భారతదేశంతో చర్చలు జరుపుతున్నాం. దానిని ఆమోదించడానికి ఇజ్రాయెల్ ప్రభుత్వం నిర్ణయం కోసం ఎదురుచూస్తున్నాం. ఈ రంగాన్ని నడపడానికి, దానిని సాధారణ స్థితికి తీసుకురావడానికి భారత్ నుండి 50,000 నుండి 100,000 మంది కార్మికులు అవసరం పడుతుందనుకుంటున్నాం’ అన్నారు. ఫీగ్లిన్ ప్రకారం, ఇజ్రాయెల్ నిర్మాణ రంగంలో పనిచేస్తున్న శ్రామికశక్తిలో పాలస్తీనా కార్మికులు 25 శాతం ఉన్నారు. అక్టోబరు 7 నుంచి వారు తిరిగి విధులకు రాకుండా ఆంక్షలు విధించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
