- Home
- Telangana
- బయట రూ. 1500 ఉండే మందు బాటిల్ ఆర్మీ క్యాంటీన్లో రూ. 600కే ఎందుకు లభిస్తుందో తెలుసా.?
బయట రూ. 1500 ఉండే మందు బాటిల్ ఆర్మీ క్యాంటీన్లో రూ. 600కే ఎందుకు లభిస్తుందో తెలుసా.?
Liquor Price: సైనికులకు ప్రభుత్వం ప్రత్యేక సౌకర్యాలు కల్పిస్తుంది. అందులో క్యాంటీన్ స్టోర్స్ డిపార్ట్మెంట్ (CSD) ద్వారా తక్కువ ధరలకు వస్తువులు అందించడం కూడా ఒకటి. ఇందులో ఆల్కహాల్ కూడా రాయితీ ధరలతో లభిస్తుంది. మరి ఇక్కడ ధరలు ఎలా ఉంటాయో తెలుసా?
హైదరాబాద్లో వెలుగులోకి వచ్చిన అక్రమ వ్యాపారం
తెలంగాణలోని హైదరాబాద్లో ఇటీవల ఎక్సైజ్ అధికారులు భారీ దాడి నిర్వహించారు. ఈ దాడిలో దాదాపు 10 లక్షల రూపాయల విలువైన 361 ప్రీమియం ఆల్కహాల్ బాటిళ్లు స్వాధీనం చేసుకున్నారు. విచారణలో ఈ మందు బెంగళూరు, హర్యానా ప్రాంతాల డిఫెన్స్ క్యాంటీన్ల నుంచి తీసుకుని, నగరంలో అధిక ధరలకు విక్రయిస్తున్నట్లు బయటపడింది. ఈ వ్యవహారంలో ఒక రిటైర్డ్ ఆర్మీ ఉద్యోగి పాత్ర ఉన్నట్లు సమాచారం.
క్యాంటీన్లో ఆల్కహాల్ ఎందుకు చవక?
ఆర్మీ క్యాంటీన్లో మందు సాధారణ మార్కెట్ ధరతో పోలిస్తే 30% నుంచి 50% వరకు తక్కువ ధరకు లభిస్తుంది. దీనికి ప్రధాన కారణం ప్రభుత్వ సబ్సిడీ. ఈ ఉత్పత్తులపై ఎక్సైజ్ డ్యూటీ, జీఎస్టీ వంటి పన్నులు భారీగా తగ్గిస్తారు. . రక్షణ శాఖ ఆధ్వర్యంలో ఉండటంతో ఎక్కువ పన్నులు మాఫీ అవుతాయి. అందుకే బయట 1500 రూపాయల ఆల్కహాల్ క్యాంటీన్లో 500 నుంచి 800 రూపాయల మధ్య దొరుకుతుంది.
జవాన్లకు కోటా ఎలా ఉంటుంది?
సైన్యంలో ఆల్కహాల్ పంపిణీ కఠిన నియమాల ప్రకారం జరుగుతుంది. జవాన్ల ర్యాంక్ ఆధారంగా కోటా నిర్ణయిస్తారు. సాధారణంగా. సీనియర్ అధికారులకు నెలకు సుమారు 10 బాటిళ్లు, జూనియర్ కమిషన్డ్ అధికారులకు 6 నుంచి 7 బాటిళ్లు, ఇతర సిబ్బందికి (ORs/NCOs) 4 నుంచి 5 బాటిళ్లు అందిస్తారు. ఈ కోటా సేవలో ఉన్నవారికి, రిటైర్డ్ సైనికులకు కూడా వర్తిస్తుంది. అయితే స్టాక్ ఆధారంగా కొంత మార్పు ఉండొచ్చు.
క్యాంటీన్లో ఆల్కహాల్ ఎలా కొనాలి?
క్యాంటీన్లో ఆల్కహాల్ కొనడం సాధారణంగా కాదు. దీనికి స్మార్ట్ కార్డ్ తప్పనిసరి. ప్రతి సైనికుడి వివరాలు డిజిటల్ డేటాబేస్లో నమోదు ఉంటాయి. వారు తమకు కేటాయించిన కోటా మేరకు మాత్రమే కొనుగోలు చేయగలరు. కోటా మించి కొనడం సాధ్యం కాదు. అదనంగా, ఒక లిక్కర్ బాటిల్కు బదులుగా కొన్ని బీర్ బాటిళ్లు తీసుకునే మార్పిడి అవకాశం కూడా ఉంటుంది.
కొత్త నియమాలు, పెరుగుతున్న సవాళ్లు
ఇటీవలి సంవత్సరాల్లో కొన్ని మార్పులు చేశారు. 2023 తర్వాత జవాన్లకు వారి కోటాలో కొంత భాగాన్ని ప్రీమియం బ్రాండ్లపై ఖర్చు చేసే అవకాశం ఇచ్చారు. దీనివల్ల వారికి మంచి బ్రాండ్లు అందుబాటులోకి వచ్చాయి. అయితే ఈ సడలింపులను ఉపయోగించి కొందరు అక్రమంగా ఆల్కహాల్ను బయటకు తరలించడం వంటి ఘటనలు పెరుగుతున్నాయి. అందుకే క్యాంటీన్ వ్యవస్థపై మరింత కఠిన నిఘా అవసరం ఉంది.
