బ్లాక్ టైగర్, ప్రపంచానికి తెలియని గూఢచారి.. రవీంద్ర కౌశిక్ గురించి తెలిస్తే గూజ్‌బంప్స్ రావాల్సిందే

Ravindra kaushik: శ‌త్రుదేశాల నుంచి దేశాన్ని ర‌క్షించే సైనికులు స‌రిహ‌ద్దుల వ‌ద్ద పోరు చేస్తుంటారు. అయితే శ‌త్రుదేశంలోకి వెళ్లి వారి ఎత్తుల‌ను తెలుసుకొని దేశాన్ని కాపాడే వారు గూఢ‌చారులు. అలాంటి ఒక గొప్ప రా ఏజెంట్ గురించి ఈరోజు తెలుసుకుందాం. 

Image Credit : Wiki

రవీంద్ర కౌశిక్ ఎవరు?

‘ధురంధర్’ సినిమా బాక్సాఫీస్ వద్ద సంచలనం సృష్టిస్తున్న వేళ, గూఢచారి కథలపై ఆసక్తి మళ్లీ పెరిగింది. తెరపై కనిపించే డబుల్ లైఫ్ ఏజెంట్ల వెనుక నిజ జీవితంలో ఉన్న ఓ అసాధారణ వ్యక్తి పేరు మళ్లీ వినిపిస్తోంది. అతనే రవీంద్ర కౌశిక్. భారత గూఢచార సంస్థ RAW తరఫున పనిచేసిన అండర్‌కవర్ ఏజెంట్. అప్పటి ప్రధాని ఇందిరా గాంధీ ఆయనకు ఇచ్చిన పేరు ‘బ్లాక్ టైగర్’.

Image Credit : Freepik

నాటక రంగం నుంచి గూఢచారిగా

రవీంద్ర కౌశిక్ మొదట నాటక కళాకారుడు. స్టేజ్ పై పాత్రల్లో లీనమయ్యే ప్రతిభ, స్పష్టమైన ఉచ్చారణ, ఆత్మవిశ్వాసం RAW అధికారుల దృష్టిని ఆకర్షించింది. ఆ తర్వాత ఆయనను గూఢచారి శిక్షణకు ఎంపిక చేశారు. ఉర్దూ భాష, ఇస్లాం ఆచారాలు, పాకిస్తాన్ సమాజం, రాజకీయ పరిస్థితులు అన్నీ లోతుగా నేర్పించారు. నటన మాత్రమే కాదు, కొత్త వ్యక్తిగా జీవించే స్థాయికి ఆయనను తయారు చేశారు.

Image Credit : social media

నబీ అహ్మద్ షకీర్‌గా కొత్త జీవితం

భారత గుర్తింపును పూర్తిగా తొలగించిన తర్వాత రవీంద్ర కౌశిక్ పాకిస్తాన్‌లోకి ప్రవేశించాడు. అక్కడ ఆయన పేరు నబీ అహ్మద్ షకీర్. కరాచీ యూనివర్సిటీలో లా డిగ్రీ పూర్తి చేశాడు. ఆ తర్వాత మిలిటరీ అకౌంట్స్ విభాగంలో క్లర్క్‌గా పని ప్రారంభించాడు. అక్కడే స్థానిక మహిళ అమానత్‌ను పెళ్లి చేసుకుని కుటుంబం ఏర్పాటు చేసుకున్నాడు. ఇలా పూర్తిగా పాకిస్తానీ పౌరుడుగా స్థిర‌ప‌డ్డాడు.

Image Credit : Getty

‘బ్లాక్ టైగర్’గా చేసిన సేవలు

ఆ కాలంలో రవీంద్ర కౌశిక్ భారత గూఢచార సంస్థకు కీలక సమాచారాన్ని పంపించినట్లు రక్షణ నిపుణులు చెబుతారు. ఆ వివరాలు ఇప్పటికీ రహస్యంగానే ఉన్నాయి. అయినా ఆ సమాచారంతో అనేక సైనిక ఘర్షణలు తప్పినట్లు, వేలాది మంది ప్రాణాలు కాపాడినట్లు అంచనా. ఇదే సమయంలో ఇందిరా గాంధీ ఆయనకు ‘బ్లాక్ టైగర్’ అనే కోడ్ నేమ్ ఇచ్చినట్లు పలు గూఢచారి రచనల్లో ప్రస్తావన ఉంది.

Image Credit : Getty

చిన్న త‌ప్పిదంతో

ఒకసారి సమాచార మార్పిడి సమయంలో జరిగిన చిన్న తప్పిదం రవీంద్ర కౌశిక్‌ను ప్రమాదంలోకి నెట్టింది. భార‌త్‌కు చెందిన మ‌రో రా ఏజెంట్ పాకిస్థాన్‌లో పట్టుబడడంతో ఆయనపై అనుమానం వచ్చింది. విచారణలో నిజం బయటపడింది. ఆ తర్వాత ర‌వీంద్ర‌ అనేక ఏళ్ల పాటు కఠినమైన జైలు జీవితం గడిపాడు. హింస, అనారోగ్యం కారణంగా జైలులోనే ఆయన మృతి చెందాడు. స్వదేశం చేరలేక, గౌరవాలు లేకుండా జైలు సమీపంలోనే అంత్యక్రియలు జరిగాయి.