2023లో మాల్దీవ్స్ ని ఎంత మంది భారతీయులు సందర్శించారో తెలుసా?

వెకేషన్ అనగానే చాలా మందికి మాల్దీవ్స్ గుర్తుకువస్తాయి. చాలా మందికి అక్కడికి వెళ్లడం పెద్ద డ్రీమ్. ఎందుకంటే...సెలబ్రెటీలు అందరూ సోషల్ మీడియాలో తమ మాల్దీవుల ట్రిప్ ఫోటోలు షేర్ చేయడంతో.. అక్కడికి వెళ్లి అనే క్రేజ్ మరింత పెరిగిపోయింది. కాగా.. తాజాగా ఈ మాల్దీవుల గురించి షాకింగ్ న్యూస్ బయటకు వచ్చింది. గతేడాది అంటే.. 2023లో ఎంత మంది భారతీయులు మాల్దీవులు ట్రిప్ కి వెళ్లారో ఓసారి చూద్దాం....

2023లో మాల్దీవులను సందర్శించే అత్యధిక సంఖ్యలో పర్యాటకులు భారతీయులే కావడం గమనార్హం.. పర్యాటక మంత్రిత్వ శాఖ గణాంకాల ప్రకారం, 2 లక్షల మంది భారతీయులు మాల్దీవులను సందర్శించారు.
 

డిసెంబర్ 13, 2023 నాటికి, 17 లక్షల మంది మాల్దీవులను సందర్శించారు, ఇది 2022తో పోలిస్తే 12.6 శాతం పెరిగింది. 2022లో 15 లక్షల మంది సందర్శించారు. ఇందులో భారతీయుల సంఖ్య 2.09 లక్షలు, రష్యా (2 లక్షలు)  ఆ తర్వాతి స్థానాల్లో ఉన్నాయి. చైనా (1.87 లక్షలు). దీంతోపాటు బ్రిటన్ నుంచి 1.55 లక్షలు, జర్మనీ నుంచి 1.35 లక్షలు, ఇటలీ నుంచి 1.18 లక్షలు, అమెరికా నుంచి 75 వేల మంది యాత్రకు వెళ్లారు.
 

ఈ గణాంకాలను పరిశీలిస్తే, మాల్దీవుల దేశం భారతీయ పర్యాటకులపై ఎక్కువగా ఆధారపడి ఉన్నట్లు రుజువైంది. ఇప్పుడు మాల్దీవులకు ప్రత్యామ్నాయ పర్యాటక కేంద్రంగా లక్షద్వీప్‌ను భారత్ అభివృద్ధి చేస్తే మాల్దీవుల ఆర్థిక వ్యవస్థకు భారీ దెబ్బ తగిలే అవకాశం ఉంది.
 

ప్రధాని నరేంద్ర మోదీని దూషిస్తూ మాల్దీవుల మంత్రి ట్వీట్ చేయడంతో భారతీయులు తమ మాల్దీవుల పర్యటనను రద్దు చేసుకున్నారు. అలాగే 'మాల్దీవులను బహిష్కరించు' అనేది సోషల్ మీడియాలో ట్రెండ్ అవుతోంది. చాలా మంది మాల్దీవుల పర్యటన రద్దు చేసుకుంటూ  స్క్రీన్‌షాట్‌లను తమ సోషల్ మీడియా ఖాతాలలో షేర్ చేస్తున్నారు. భారతదేశం స్వావలంబన కావాలి. మాల్దీవులకు వెళ్లి పగ తీర్చుకోవద్దని మెసేజ్‌లు వ్యాపిస్తున్నాయి. మాల్దీవుల టూరిజంలో భారతీయ పర్యాటకుల వాటా ఎక్కువ. మరి, ఇప్పుడు ఈ బ్యాన్ తో మాల్దీవులు ఎంత నష్టపోతుందో చూడాలి.