Green Chillies: పచ్చి మిర్చీ కట్ చేస్తే చేతులు మండుతున్నాయా? ఇలా చేసి చూడండి
Green Chillies: పచ్చి మిరపకాయలు కోస్తున్న ప్రతిసారీ చేతులు మండుతున్నాయా? సబ్బుతో కడుక్కున్న తర్వాత కూడా చేతులు మండుతున్నాయా? అయితే.. ఈ సింపుల్ చిట్కాలు మీ కోసమే...
Green Chillies
పచ్చి మిరపకాయలను మనం రెగ్యులర్ గా వాడుతూనే ఉంటాం. కూర, పచ్చడి ఏది చేయాలన్నా ఇవి ఉండాల్సిందే. వంటకు మంచి రుచి ఇవ్వడమే కాకుండా.. చాలా పోషకాలు కూడా ఉంటాయి. అయితే.. వచ్చిన సమస్యల్లా... పచ్చి మిరపకాయల్లో ఉండే ఘాటు కారణంగా... వాటిని కట్ చేసినప్పుడు, పట్టుకున్నప్పుడు చేతులు మంటపుడుతూ ఉంటాయి. మీరు కూడా ఇదే సమస్యతో ఇబ్బంది పడుతున్నారా? అయితే.. కొన్ని సింపుల్ చిట్కాలు ఫాలో అయితే.. ఈసారి పచ్చి మిర్చీ కోసినా మీ చేతులు మంట పుట్టవు. మరి, ఆ చిట్కాలేంటో ఇప్పుడు తెలుసుకుందాం...
1.చేతులకు నూనె రాసుకోవాలి...
పచ్చి మిరపకాయల్లో క్యాప్సైసిన్ అనే సమ్మేళనం ఉంటుంది.దీని వల్లే చేతులు మంట పుడతాయి. పచ్చి మిరపకాయలు కోసేటప్పుడు చేతులు మంట పుట్టకుండా ఉండాలంటే... కోయడానికి ముందు చేతులకు, వేళ్లకు నూనె రాయాలి. కొబ్బరి నూనె లేదంటే.. ఆవ నూనె రాసుకొని ఆ తర్వాత పచ్చి మిర్చీ కోస్తే... చేతులు మంట పుట్టకుండా ఉంటాయి.
2. కత్తికి బదులు కత్తెర వాడాలి...
మిరపకాయలను చేతులతో పట్టుకొని కోస్తే మన చేతులు మంట పుడతాయి. కానీ.. వాటిని పట్టుకోకుండా కోస్తే.. ఆ సమస్య ఉండదు. అంటే.. మీరు.. కత్తితో కాకుండా.. కత్తెరతో కట్ చేసి కూరలో వేసుకుంటే సరిపోతుంది. ఇలా చేయడం వల్ల చేతులు మంట పుట్టకుండా ఉంటాయి.
3. చేతులు శుభ్రం చేసుకోవడం...
మీరు ఎన్ని జాగ్రత్తలు తీసుకున్నా కూడా మిరపకాయలు కోస్తే చేతులు మండుతున్నాయి అంటే..కోసిన వెంటనే చేతులు శుభ్రం చేసుకోవాలి. సబ్బుతో కడుక్కున్నా కూడా చేతులు మంటపుడుతున్నాయి అంటే.. పెరుగు లేదా కలబంద జెల్ రాసుకోవాలి. ఇలా చేయడం వల్ల ఉపశమనం కలుగుతుంది.
ఈ సింపుల్ చిట్కాలు ఫాలో అయితే… పచ్చి మిరపకాయలు కోసినా కూడా చేతులు మంట పుట్టవు.
