Baba vanga tsunami: జ‌పాన్‌ బాబా వంగా జ్యోతిష్యం నిజ‌మ‌వుతోందా.? సునామీని ముందుగానే..

ర‌ష్యా క‌మ్చ‌ట్కా ద్వీప‌క‌ల్ప తీరానికి స‌మీపంలో బుధ‌వారం భారీ భూకంపం సంభ‌వించిన విష‌యం తెలిసిందే. ఈ ప్ర‌కంప‌న‌ల‌తో సునామీ హెచ్చ‌రిక‌లు జారీ చేశారు. ర‌ష్యా, జపాన్‌తో పాటు మ‌రికొన్ని దేశాల‌కు సునామీ హెచ్చ‌రిక‌లు జారీ చేశారు. 

Image Credit : La Derecha Diario

సునామీ హెచ్చ‌రిక‌లు

రష్యా కమ్చట్కా ద్వీపకల్ప తీరానికి సమీపంలో బుధవారం భారీ భూకంపం సంభవించింది. ఈ ప్రకంపనలతో వచ్చిన సునామీ అలలు జపాన్ ఉత్తర ద్వీపం హొక్కైడో, రష్యా కురిల్ ద్వీపాలకు తాకాయి. ఈ సహజ విపత్తుకు సంబంధించిన అంశాలు సోష‌ల్ మీడియాలో వైర‌ల్ అవుతున్నాయి. ‘జపాన్‌ బాబా వాంగా’ పేరుతో ప్రసిద్ధురాలైన ర్యో తత్సుకీ జోస్యంలో ఈ సునామీ గురించి ప్ర‌స్తావించారు. ‘ద ఫ్యూచర్‌ ఐ సా (నేను దర్శించిన భవిష్యత్తు)’ పేరుతో రాసిన పుస్తకంలో ఆమె ఈ మేరకు ఎప్పుడో హెచ్చ‌రించార‌ని భవిష్యవాణిని గుర్తు చేస్తోంది.

Image Credit : Getty

1999లో చెప్పిన భవిష్యవాణి

‘జపాన్ కొత్త బాబా వంగా’గా పేరొందిన ర్యో తత్సుకి 1999లో ప్రచురించిన తన మంగా పుస్తకం “ది ఫ్యూచర్ ఐ సా”లో ఒక విశేష జోస్యం చెప్పింది. ఆమె భవిష్యవాణి ప్రకారం.. “2025 జూలై 5న జపాన్ దక్షిణ సముద్రాలు మరిగిపోతాయి” అని పేర్కొన్నారు. అయితే ఆ స‌మ‌యంలో ఎలాంటి భూకంపం రాలేదు. కానీ ఇదే నెలలో 8.7 తీవ్రతతో వచ్చిన భూకంపం, ఆపై సునామీ సంభవించడం ఆమె చెప్పిన హెచ్చరిక సమయాన్ని గుర్తు చేసింది.

Image Credit : Getty

రష్యా కమ్చట్కా భూకంపం వివరాలు

బుధవారం ఉదయం 8.7 తీవ్రత గల భూకంపం రష్యా కమ్చట్కా ద్వీపకల్ప తీరంలో వచ్చింది. ఆ తర్వాత అమెరికా జియోలాజికల్ సర్వే (USGS) దీనిని 8.8 మాగ్నిట్యూడ్‌గా సవరించింది. ఇది ఆ ప్రాంతంలో 1952 తర్వాత వచ్చిన అతిపెద్ద భూకంపంగా రికార్డు అయ్యింది. ఈ ప్రకంపనల కారణంగా సముద్రంలో ఏర్పడిన అలలు జపాన్ హొక్కైడో, రష్యా కురిల్ ద్వీపాలకు దూసుకెళ్లాయి.

Image Credit : Getty

తత్సుకి గత జోస్యాలు నిజమైన సందర్భాలు

• ర్యో తత్సుకి వంగా పుస్తకంలో చెప్పిన పలు జోస్యాలు గతంలో నిజమయ్యాయి. అందులో ముఖ్యమైనవి:
• ప్రిన్సెస్ డయానా మరణం
• గాయకుడు ఫ్రెడీ మర్క్యూరీ మరణం
• 2020 దశకంలో కోవిడ్-19లాంటి మహమ్మారి వ్యాప్తి

Image Credit : Getty

జోస్యాలపై ప్రజల్లో చర్చ

ఇప్పుడు జరిగిన రష్యా భూకంపం, జపాన్ తీరాలను తాకిన సునామీతో ర్యో తత్సుకి పేరు మళ్లీ చర్చలోకి వచ్చింది. జూలై 5న కాకపోయినా జూలై నెలలోనే సంభవించిన ఈ విపత్తు ఆమె భవిష్యవాణిని నిజం చేసింద‌న్న చ‌ర్చ సోష‌ల్ మీడియాలో న‌డుస్తోంది.