Health tips: నానబెట్టిన బాదం vs వాల్నట్స్.. మెదడు ఆరోగ్యానికి ఏది మంచిదో తెలుసా?
నానబెట్టిన బాదం, వాల్ నట్స్ ఆరోగ్యానికి చాలా మంచివనే విషయం అందరికీ తెలుసు. ఇవి తింటే మెదడు చాలా చురుకుగా పనిచేస్తుందని చాలామంది చెబుతుంటారు. రుచిగా ఉంటాయి కాబట్టి చిన్నా, పెద్ద అందరూ వీటిని ఇష్టంగా తింటారు. వీటిలో పోషక గుణాలు కూడా ఎక్కువే. కానీ మెదడును ఆరోగ్యంగా ఉంచడానికి నిజంగానే నానబెట్టిన బాదం, వాల్ నట్స్ ఉపయోగపడతాయా? ఈ రెండింటిలో ఏది తింటే ఎక్కువ మంచిది? ఇతర విషయాలు ఇక్కడ తెలుసుకుందాం.
నానబెట్టిన బాదం, వాల్నట్స్ తింటే మెదడు షార్ప్ గా పనిచేస్తుందని చాలామంది చెబుతుంటారు. నిజానికి ఇవి రెండూ మెదడు ఆరోగ్యానికే కాదు శరీరానికి కూడా చాలా మంచివి. కానీ చాలామందికి ఒక సందేహం ఉంటుంది. నానబెట్టిన బాదం లేదా వాల్నట్ ఈ రెండింటిలో ఏది మెదడుకు ఎక్కువ మంచిది అని. జ్ఞాపకశక్తిని మెరుగుపరచడానికి ఏది ఎక్కువ ఉపయోగపడుతుందని చాలామందిలో డౌట్ ఉంటుంది. దానికి సమాధానం ఇక్కడ చూద్దాం.
నానబెట్టిన బాదం మెదడుకు ఎలా మేలు చేస్తుంది?
బాదంలో విటమిన్లు, ఆరోగ్యకరమైన కొవ్వులు, విటమిన్ ఇ ఉంటాయి. ఇవి కాగ్నిటివ్ బలహీనతను నివారించడానికి సహాయపడతాయి. ముఖ్యంగా జ్ఞాపకశక్తిని ఎక్కువ కాలం పాటు కాపాడుతాయి. బాదంలో ఉండే విటమిన్ ఇ అల్జీమర్స్, చిత్తవైకల్యం వంటి సమస్యలు వచ్చే ప్రమాదాన్ని తగ్గిస్తుంది. బాదంలో ఉండే ఒమేగా-3 కొవ్వు ఆమ్లాలు మెదడు పనితీరును మెరుగుపరుస్తాయి. బాదంను నేరుగా తినే బదులు నానబెట్టి తింటే అందులోని పోషకాలు రెట్టింపు అవుతాయి.
వాల్నట్ మెదడుకు ఎలా మేలు చేస్తుంది?
వాల్నట్లో ఆరోగ్యకరమైన కొవ్వులు, విటమిన్ ఇ ఉంటాయి. వాల్నట్లో యాంటీఆక్సిడెంట్లు పుష్కలంగా ఉంటాయి. ఇది శరీరంలోని ఫ్రీ రాడికల్స్ను తగ్గిస్తుంది. ఇది మెదడులో వచ్చే వాపు, వృద్ధాప్య ప్రక్రియ, అల్జీమర్స్, చిత్తవైకల్యం వంటి వయస్సు సంబంధిత సమస్యలను నివారించడానికి సహాయపడుతుంది. వాల్నట్స్ తినడం వల్ల జ్ఞాపకశక్తి, నేర్చుకునే సామర్థ్యం మెరుగుపడుతుంది. ఇది కాకుండా ఆందోళన, ఒత్తిడి వంటి సమస్యలను తగ్గిస్తుంది.
నానబెట్టిన బాదం vs వాల్నట్స్: మెదడుకు ఏది మంచిది?
శరీరం, మెదడు ఆరోగ్యానికి వాల్నట్, నానబెట్టిన బాదం చాలా మంచిది. ఏదో ఒకటి ఎక్కువగా తింటే ఎక్కువ ప్రయోజనాలు పొందవచ్చు అనేది తప్పు. వీటిని ఎప్పుడు ఆహారంలో చేర్చుకోవాలో ముందుగా తెలుసుకోవాలి. 4 బాదంతో 2 వాల్నట్స్ కలిపి తినవచ్చు. దీనివల్ల రెండింటి ఫలితాలు మీకు అందుతాయి.