Ear Wax Removal Tips: చెవిలోని గులిమిని బడ్స్ లేకుండా సింపుల్ గా ఇలా తీసేయొచ్చు

Ear Wax Removal Tips: చెవిలోని గులిమిని తీయడానికి కొంతమంది పెన్ను మూతలు, సూదులు, వేళ్లు, పిన్నులు, బడ్స్ వంటివి వాడుతుంటారు. ఇలా అస్సలు చేయకూడదు. ఇలాంటివి చేయకుండానే గులిమిని నేచరుల్ గా బయటకు తీసే టెక్నిక్స్ గురించి తెలుసుకుందాం రండి.

సాధారణంగా మనమందరం కాటన్ బడ్స్‌తో చెవిలోని గులిమిని తీస్తాం కదా.. కానీ అలా బడ్స్‌తో తీయడం చెవికి ప్రమాదమని మీకు తెలుసా? ఎందుకంటే మీరు బడ్స్‌ను ఉపయోగించినప్పుడు, చెవిలో ఉండే గులిమి లోపలికి వెళ్లిపోయే ప్రమాదం ఉంది. దీనివల్ల చెవులు మూసుకుపోతాయి. తర్వాత వినికిడి సమస్య వస్తుంది. కాబట్టి ఇలాంటి ఇబ్బందులు లేకుండా సులభమైన పద్ధతిలో చెవిలో ఉండే గులిమిని సులభంగా తొలగించవచ్చు. అది ఎలాగో ఇప్పుడు తెలుసుకుందాం.

చెవిలో గులిమి ఎందుకు?

చెవిలో గులిమి ఉంటే చాలా మంది ఇబ్బంది పడుతుంటారు. కాని గులిమి మన చెవులకు రక్షణగా నిలుస్తుందని మీకు తెలుసా? గులిమి దుమ్ము, ధూళి, బ్యాక్టీరియా నుండి మన చెవిని రక్షించడానికి, మన చెవి కాలువలోని గ్రంథుల ద్వారా ఉత్పత్తి అవుతుంది. దురద, పొడిబారకుండా ఈ చెవి కాలువను కాపాడటానికి ఇది ఎంతగానో ఉపయోగపడుతుంది.

చెవి గులిమి మూసుకుపోవడానికి లక్షణాలు

చెవిలో గులిమి పేరుకుపోయిందని ఇలా తెలుస్తుంది. ముందుగా చెవిలో నొప్పి వస్తుంది. చెవి మొత్తం  నిండిపోయినట్లు అనిపిస్తుంది. బీప్ శబ్దం వినపడుతూ ఉంటుంది. మీకు వినికిడి శక్తి కూడా తగ్గుతూ ఉంటుంది. ఇలాంటి లక్షణాలు కనిపిస్తే మీ చెవిలో గులిమి పెరిగిపోయిందని అర్థం. 

దీన్ని కూడా చదవండి: రూపాయి ఖర్చు లేకుండా మోచేతులు, మోకాళ్లలో నలుపు పోయే సింపుల్ టిప్స్ ఇవిగో

నూనెలు ఉపయోగించొచ్చు

ఆలివ్ నూనె, కొబ్బరి నూనె, బేబీ ఆయిల్, మినరల్ ఆయిల్, గ్లిసరిన్ వాడి గులిమిని తొలగించొచ్చు. దీనికోసం ముందుగా తలను ఒకవైపుకు వంచి, ఆ తర్వాత ఏదైనా నూనె గోరువెచ్చగా ఉన్నప్పుడు కొన్ని చుక్కలు చెవిలో వేయాలి. 15 నిమిషాలు తలను అలాగే ఉంచాలి. నూనె చెవిలో ఉండే గులిమిని మెత్తగా చేసి సహజంగా బయటకు వచ్చేలా చేస్తుంది.

దీన్ని కూడా చదవండి: హార్ట్ పేషెంట్స్ వేసవిలో రోజుకు ఇన్ని లీటర్ల నీరే తాగాలి? లేకపోతే ప్రమాదమే

వేడి నీరు

వేడి నీరు కూడా చెవిలో ఉండే గులిమిని బయటకు తీయడానికి సహాయపడుతుంది. దీనికోసం ఒక సిరంజిలో గది ఉష్ణోగ్రత వద్ద నీటిని నింపి, తలను వంచి ఒకవైపు చెవిలో నీటిని పోయాలి. నీరు చెవిలో ఉండే గులిమిని మెత్తగా చేస్తుంది. తర్వాత చెవిని వ్యతిరేక దిశలో వంచితే గులిమి బయటకు వస్తుంది. ఆ తర్వాత గుడ్డతో చెవిని మెల్లగా తుడవాలి.

గుర్తుంచుకోండి : చెవిలోని గులిమిని తీయడానికి పెన్ను మూతలు, సూదులు, వేళ్లు, పిన్నులు, బడ్స్ వంటి వస్తువులను ఉపయోగించకూడదు.