Egg Storage: గుడ్లు ఫ్రిడ్జ్ లో పెట్టినా పాడవుతున్నాయా? ఎన్ని రోజులు ఉంటే సేఫ్?
Egg Storage: ఎండాకాలంలో గుడ్లు బయట ఉంటే త్వరగా పాడైపోతాయి. కొంతమంది ఎక్కువగా తెచ్చుకుని ఫ్రిడ్జ్ లో పెట్టుకుంటారు. అయినా కూడా కుళ్లిపోతుంటాయి. అసలు ఎన్నిరోజులు గుడ్లు ఫ్రిడ్జ్ లో ఉంటే సేఫ్. ఎలా, ఎక్కడ నిల్వ చేయాలి?
ఎలా నిల్వ చేయాలి?
గుడ్లు ఆరోగ్యానికి మంచివే. పిల్లలు, జిమ్ చేసేవాళ్లు ఇంట్లో ఉంటే ట్రేలకు ట్రేలు తెచ్చిపెట్టుకుంటారు. అందులోనూ ఈ వేసవిలో అయితే గుడ్లు బయట ఉంటే మాత్రం కచ్చితంగా పాడైపోవడమో, కుళ్లిపోవడమో జరుగుతాయి. అందుకే చాలామంది ఒకేసారి ఎక్కువగా కొని ఫ్రిజ్లో నిల్వ చేసుకుంటారు. కానీ వాటిని ఫ్రిజ్లో ఎక్కడ పడితే అక్కడ పెట్టకూడదు. సరైన చోట పెట్టకపోతే త్వరగా పాడైపోతాయి.
ఫ్రిజ్ డోర్లో గుడ్లు పెట్టొద్దు
ఫ్రిడ్జ్ లో డోర్ దగ్గరే ఎగ్ ట్రే ఉంటుంది. కానీ గుడ్లు అక్కడైతే మాత్రం పెట్టకూడదు. ఎందుకంటే ఫ్రిజ్ డోర్ తెరిచిన ప్రతిసారీ బయటి వేడి గాలి మొదట తగిలేది డోర్కే. దానివల్ల గుడ్డు పెంకుపై తేమ చేరి బ్యాక్టీరియా వేగంగా పెరుగుతుంది. గుడ్లు పాడైపోతాయి.
ఇలా పెడితే సమస్యలు ఏంటి?
ఫ్రిజ్ డోర్ వద్ద ఉష్ణోగ్రత నిరంతరం మారుతూ ఉంటుంది. ఈ మార్పుల వల్ల సాల్మొనెల్లా వంటి బ్యాక్టీరియా వేగంగా వృద్ధి చెందుతుంది. ఇది గుడ్లు త్వరగా పాడవడానికి కారణమవుతుంది. ఇలా పాడైన గుడ్లు తింటే ఫుడ్ పాయిజనింగ్, వాంతులు, విరేచనాలు, కడుపునొప్పి వస్తాయి.
గుడ్లు పెట్టడానికి సరైన ప్లేస్..
గుడ్లు ఎక్కువ కాలం తాజాగా, పాడవకుండా ఉండాలంటే వాటిని ఫ్రిజ్లోని మధ్య లేదా కింది షెల్ఫ్లలో పెట్టాలి. ఆ ప్రదేశాలలో ఉష్ణోగ్రత ఎప్పుడూ స్థిరంగా, చల్లగా ఉంటుంది. ఇది గుడ్లు పాడవకుండా ఎక్కువ కాలం ఫ్రెష్గా ఉండేలా చేస్తుంది.
