Prostate Cancer: ఈ ఆహారాలకు దూరంగా ఉండండి..! ప్రోస్టేట్ క్యాన్సర్ కు చెక్ పెట్టండి
Prostate Cancer: క్రమరహిత జీవనశైలితో అనేక రకాల వ్యాధులు వస్తున్నాయి. వాటిలో ప్రోస్టేట్ క్యాన్సర్ ఒకటి. ఇది పురుషుల ప్రోస్టేట్ గ్రంథిలో వచ్చే క్యాన్సర్. పురుషులను ఇబ్బంది పెట్టే ప్రొస్టేట్ క్యాన్సర్ కు కొన్ని రకాల ఆహారాలతో చెక్ పెట్టవచ్చు.
ప్రోస్టేట్ క్యాన్సర్ ప్రమాదమే
ఇది సాధారణంగా 50 ఏళ్లు పైబడిన పురుషులలో కనిపిస్తుంది. పురుషులలో అత్యంత సాధారణ క్యాన్సర్లలో ఒకటి. ఈ వ్యాధి శరీరంలోకి ప్రవేశించినప్పుడు ప్రోస్టేట్ గ్రంథి కణాల అనియంత్రిత పెరుగుదల, లైంగిక సంక్రమణతో సహా అనేక వ్యాధులు వస్తాయి.
ప్రోస్టేట్ క్యాన్సర్ కారణం ఏమిటి?
వైద్యుల అభిప్రాయం ప్రకారం.. క్రమరహిత జీవనశైలి ప్రోస్టేట్ క్యాన్సర్ ప్రమాదాన్ని చాలా రెట్లు పెంచుతుంది. అయితే కొన్ని ఆహారాలు ప్రోస్టేట్ క్యాన్సర్ సంక్రమణను తగ్గిస్తాయి.
ఆహారపదార్థాలతో డేంజర్
బీఫ్, మటన్, పంది మాంసం, సాసేజ్లు, హాట్డాగ్లు తినడం వల్ల ప్రోస్టేట్ క్యాన్సర్ ప్రమాదం పెరుగుతుంది. అధిక మొత్తంలో రెడ్ మీట్ తినడం, అధిక ఉష్ణోగ్రత వద్ద వండిన ఆహారం తినడం వల్ల పురుషులకు ప్రోస్టేట్ క్యాన్సర్ వచ్చే అవకాశం ఉందని పరిశోధనలో తేలింది. కాబట్టి ప్రోస్టేట్ క్యాన్సర్ ప్రమాదాన్ని నివారించడానికి ఈ రకమైన ఆహారాలకు దూరంగా ఉండటం మంచిది.
పాల ఉత్పత్తులకు దూరం
ఆరోగ్య నిపుణుల అభిప్రాయం ప్రకారం.. పాల ఉత్పత్తులను తినడం వల్ల ప్రోస్టేట్ క్యాన్సర్ వస్తుంది. ఫుల్ ఫ్యాట్ పాలు, జున్ను, వెన్న, పెరుగులో సంతృప్త కొవ్వు ఉంటుంది. ఇది ప్రోస్టేట్ క్యాన్సర్ ప్రమాదాన్ని పెంచుతుంది. అధిక కొవ్వు పాల ఉత్పత్తులను తినడం వల్ల ప్రోస్టేట్ క్యాన్సర్ ప్రమాదం పెరుగుతుందని పరిశోధనలో తేలింది.
ఈ ఆహారానికి దూరం
ఆరోగ్య నిపుణుల అభిప్రాయం ప్రకారం.. ప్రోస్టేట్ క్యాన్సర్ ప్రమాదాన్ని పెంచే ఆహారాలకు దూరంగా ఉండాలి. ప్యాక్ చేసిన చిరుతిళ్లలో ట్రాన్స్ ఫ్యాట్ ఉంటుంది. కాబట్టి ఈ రకమైన ఆహారాలకు దూరంగా ఉండటం మంచిది. అదనంగా, అధికంగా మద్యం సేవించడం వల్ల ప్రోస్టేట్ క్యాన్సర్ ప్రమాదం పెరుగుతుంది.