Hair Care: కరివేపాకుతో ఇలా చేస్తే.. మీ జుట్టు నల్లగా, ఒత్తుగా పెరుగుతుంది..!

Curry Leaves For Hair : ప్రతి ఒక్కరికి తమ జుట్టు అందంగా, ఒత్తుగా, పొడవుగా పెరగాలని కోరుకుంటారు. ఇందుకోసం వివిధ రకాల ఖరీదైన నూనెలు, షాంపూలను ఉపయోగిస్తారు. ఇకపై వాటన్నింటికీ స్వస్తి  చెప్పి.. పెరటిలో పెరిగే కరివేపాకుని  వాడితే చాలు. ఎలాగంటే?   

Image Credit : stockPhoto

కరివేపాకు జుట్టు పెరుగుదలకు ఎలా సహాయపడుతుంది?

జుట్టు కుదుళ్లను బలపరుస్తుంది: కరివేపాకులో ఉండే ప్రోటీన్లు, విటమిన్లు, ఐరన్, కాల్షియం, ఫాస్ఫరస్ వంటి ఖనిజాలు జుట్టు వేర్లను బలపరుస్తాయి. దీంతో జుట్టు రాలడం తగ్గి, కొత్త జుట్టు పెరుగుదలకు తోడ్పడుతుంది. 

జుట్టు దట్టంగా పెరగడానికి : కరివేపాకు వాడటం వల్ల జుట్టు పలుచబడకుండా ఉంటుంది. ఇందులోని అమైనో ఆమ్లాలు జుట్టు రాలడాన్ని అరికట్టి, కొత్త జుట్టు పెరుగుదలను ప్రోత్సహిస్తాయి.

Image Credit : stockPhoto

చుండ్రును తొలగిస్తుంది

కరివేపాకులో బాక్టీరియా, ఫంగస్ నిరోధక లక్షణాలు ఉన్నాయి. ఇది చుండ్రు, దురదను తగ్గిస్తుంది. ఇన్ఫెక్షన్లను అరికట్టి, ఆరోగ్యకరమైన వాతావరణాన్ని సృష్టిస్తుంది.

Image Credit : stockPhoto

కరివేపాకు నూనె

 కొబ్బరి నూనెలో కరివేపాకు వేసి మరిగించి తయారు చేసిన నూనెని తలకు రాసుకుని మసాజ్ చేసుకుంటే జుట్టు పెరుగుదలకు, ఆరోగ్యానికి మంచిది. వారానికి రెండు లేదా మూడు సార్లు తలకు రాసుకుని, గంట తర్వాత షాంపూతో తలస్నానం చేయాలి. మంచి ఫలితాలు వస్తాయి. 

Image Credit : stockPhoto

హెయిర్ మాస్క్

కరివేపాకు, పెరుగు/గుడ్డు తెల్లసొనతో మాస్క్ తయారు చేసి తలకు రాసుకోవాలి. అరగంట తర్వాత తలస్నానం చేయాలి.  కరివేపాకు జుట్టు పెరుగుదలకు సహాయపడుతుంది, పెరుగు, గుడ్డు తెల్లసొన జుట్టుకు పోషణను అందిస్తాయి.

Image Credit : stockPhoto

కరివేపాకు, మెంతులు

కరివేపాకు, మెంతులను నానబెట్టి మెత్తగా నూరి తలకు రాసుకుంటే జుట్టుకు మంచిది. 45 నిమిషాల తర్వాత తలస్నానం చేయాలి. కరివేపాకు, మెంతులు జుట్టు పెరుగుదలకు, చుండ్రు నివారణకు సహాయపడతాయి

Image Credit : stockPhoto

కరివేపాకు నీరు

కరివేపాకు నీటిని మరిగించి, ఆ నీటితో తలస్నానం చేసిన తర్వాత తలను శుభ్రం చేసుకోవాలి.