Summer Drinks: వేసవిలో తప్పకుండా తాగాల్సిన డ్రింక్స్ ఇవే..!

బయట ఎండలు మండిపోతున్నాయి. వేసవి తాపం నుంచి ఉపశమనం పొందడానికి కొన్ని స్పెషల్ డ్రింక్స్ ఉన్నాయి. ఈ డ్రింక్స్ శరీరాన్ని చల్లగా ఉంచడంతో పాటు డీహైడ్రేషన్ సమస్య రాకుండా కాపాడుతాయి. మరి ఆ డ్రింక్స్ ఏంటీ.. ఎలా తయారు చేసుకోవాలో ఇక్కడ తెలుసుకుందాం.

మామిడి పన్నా

పచ్చి మామిడికాయతో తయారు చేసిన మామిడి పన్నా శరీరానికి చలువ చేస్తుంది. దీన్ని ఉడికించి గుజ్జు చేయండి. దాంట్లో నీళ్లు కలపండి. నల్ల ఉప్పు, పుదీనా, చాట్ మసాలా వేస్తే రుచి మరింత పెరుగుతుంది. తీపి కోసం పంచదార లేదా బెల్లం వేసుకోవచ్చు.

బేల్ షర్బత్

వేసవిలో బేల్ షర్బత్ తాగడం కూడా చాలా మంచిది. బేల్ పండును మధ్యలో కోసి గుజ్జు తీయండి. దాంట్లో పంచదార, చల్లటి నీరు, ఐస్ కలిపి జ్యూస్ తయారు చేయండి. ఇది శరీరానికి చలువ చేస్తుంది. డీహైడ్రేషన్ నుంచి కాపాడుతుంది.

గులాబీ షర్బత్

తాజా గులాబీ రేకులను నూరి లేదా మార్కెట్లో దొరికే గులాబీ సిరప్‌తో గులాబీ షర్బత్ తయారు చేసుకోవచ్చు. ఇది శరీరానికి చలువ చేస్తుంది. వేసవిలో ఫ్రెష్‌గా అనిపిస్తుంది.

సత్తు షర్బత్

సత్తు షర్బత్ శరీరానికి తక్షణ శక్తిని ఇవ్వడమే కాకుండా చలువ చేస్తుంది. సత్తు పొడిలో నిమ్మరసం, నల్ల ఉప్పు, సాదా ఉప్పు, చాట్ మసాలా కలిపి నీళ్లు పోయాలి. ఐస్ వేసి డ్రింక్ తయారు చేయండి.

మజ్జిగ

పెరుగుతో తయారు చేసిన మజ్జిగ వేసవిలో జీర్ణవ్యవస్థను మెరుగుపరచడానికి, శరీరాన్ని చల్లబరచడానికి సహాయపడుతుంది. మజ్జిగ తయారు చేయడానికి పెరుగును బాగా చిలికి, దానిలో నీళ్లు కలపండి. పైన నల్ల ఉప్పు, మిరియాల పొడి, జీరా పొడి వేసి తీసుకోండి.

కొబ్బరి నీళ్లు

వేసవిలో కొబ్బరి నీళ్లు తాగడం కూడా చాలా మంచిది. ఇది ఎలక్ట్రోలైట్లతో నిండి ఉంటుంది. ఇది శరీరాన్ని లోపలి నుంచి హైడ్రేట్ చేస్తుంది. వేసవిలో రోజుకో గ్లాసు కొబ్బరి నీళ్లు తప్పకుండా తాగాలని నిపుణులు కూడా చెబుతుంటారు.