Cooking Tips: వంటలో ఉప్పు ఎక్కువైందా? ఇలా చేస్తే రుచి ఇంకా అదిరిపోద్ది
Cooking Tips: వంట చేస్తూ ఉండగా కొన్నిసార్లు ఉప్పు కొంచెం ఎక్కువైపోతుంది. ఉప్పు ఎక్కువైందంటే ఆ ఫుడ్ పారేయాలి అని అనిపిస్తుంది. కానీ అలా అవసరం లేదు. కొన్ని సింపుల్ చిట్కాలు పాటిస్తే ఉప్పు తగ్గించి వంటను రుచిగా మార్చుకోవచ్చు.
వంటలో ఉప్పు ఎక్కువైతే ఫుడ్ పారేయాల్సిన అవసరం లేదు
వంటలో ఉప్పు ఎక్కువైతే ఫుడ్ పారేయాల్సిన అవసరం లేదు. కేవలం చిన్న పొరపాటు వల్ల వంటను వృథా చేయడం బాధగా అనిపిస్తుంది. అలా కాకుండా ఉండాలంటే ఈ సూచనలు చాలా ఉపయోగపడతాయి. కూరలు, పప్పుల్లో ఉప్పు ఎక్కువైతే అందులో కొద్దిగా నీళ్లు కలపడం ఒక సింపుల్ సొల్యూషన్. నీళ్లు కలిపిన తర్వాత కాస్త మరిగించాలి. ఇలా చేస్తే ఉప్పు తగ్గుతుంది. ఒకవేళ నీళ్లు ఎక్కువైతే రుచి కూడా చూసుకోవాలి.
ఉప్పు లేని ఉడికిన కూరగాయలు వేయడం బెస్ట్ సొల్యూషన్
ఉప్పు ఎక్కువైన కూరలో ఉప్పు లేకుండా ఉడికించిన కూరగాయలు లేదా పప్పు కలపాలి. అంటే సాంబార్లో ఉప్పు ఎక్కువైతే కొద్దిగా ఉప్పు లేకుండా ఉడికించిన పప్పు వేసి కలిపితే రుచి సర్దుకుంటుంది. ఇది బెస్ట్ సొల్యూషన్.
పాలు, పెరుగు , క్రీమ్ తో టేస్ట్ బ్యాలెన్స్
పిండివంటలలో లేదా గ్రేవీల్లో ఉప్పు ఎక్కువైతే కొద్దిగా పాలు, పెరుగు , క్రీమ్ కలపడం ద్వారా రుచి బ్యాలెన్స్ అవుతుంది. టమోటా వేసే కూరల్లో కొంచెం చక్కెర లేదా జాగ్రత్తగా బెల్లం వేయడం కూడా ఉప్పు తక్కువగా అనిపించేలా చేస్తుంది. కానీ ఇవి ఎక్కువైతే వంట రుచి మారిపోతుంది కాబట్టి పరిమితంగా వేయాలి.
పొడి కూరల్లో బంగాళాదుంప బెటర్
పొడి కూరల్లో ఉప్పు ఎక్కువైతే ఉడికించిన బంగాళాదుంప ముక్కలు కలిపితే మంచి ఫలితం ఉంటుంది. బంగాళాదుంపలు ఎక్స్ ట్రా ఉప్పును పీల్చుకుంటాయి. అలాగే చపాతీ ముద్దలో ఉప్పు ఎక్కువైతే కొద్దిగా ఉప్పు లేకుండా పిండి కలిపి మళ్లీ ముద్ద చేయాలి.
నిమ్మరసం వేస్తే ఉప్పు తగ్గి రుచి పెరుగుతుంది
రసం, సూప్ వంటి వంటల్లో బియ్యం పిండిని కలిపి మరిగిస్తే కూడా ఉప్పు తగ్గుతుంది. కొంతమంది నిమ్మరసం చుక్కలు వేస్తారు. పులుపు వల్ల ఉప్పు తక్కువగా అనిపిస్తుంది. ముఖ్యంగా ఉప్పు వేసేటప్పుడు కొద్దికొద్దిగా వేసి రుచి చూస్తూ వేయడం అలవాటు చేసుకోవాలి. ఒకేసారి ఎక్కువగా వేయడం వల్లే ఇలాంటి సమస్యలు వస్తాయి. వంట చివర్లో ఉప్పు సర్దుబాటు చేయడం మంచిది. మొత్తానికి, వంటలో ఉప్పు ఎక్కువైతే కంగారు పడాల్సిన అవసరం లేదు. చిన్నచిన్న మార్పులతో రుచి సరిచేసుకోవచ్చు. సరైన టిప్ పాటిస్తే వంట మళ్లీ రుచిగా మారుతుంది.
