Maggi: మీ పిల్లలకు మ్యాగీ పెడుతున్నారా? వచ్చే సమస్యలు ఇవే

మ్యాగీని చిన్నా, పెద్ద అందరూ ఇష్టంగా తింటూ ఉంటారు. కానీ.. మ్యాగీ తినడం వల్ల ఎలాంటి ఆరోగ్య సమస్యలు వస్తాయో తెలుసా?  

ఈ రోజుల్లో అందరూ ఇన్ స్టాంట్ ఫుడ్స్ తినడానికి ఆసక్తి చూపిస్తున్నారు. ఎక్కువ సేపు కిచెన్ లో ఉండి వంట చేయాలంటే ఓపిక కూడా చాలా మందికి ఉండటం లేదు. అందుకే.. ఇన్ స్టాంట్ ఫుడ్స్ పై మొగ్గుచూపుతున్నారు. అందులోనూ మ్యాగీని చాలా ఎక్కువగా ఇష్టపడుతూ ఉంటారు. కేవలం ఐదు నిమిషాలు కూడా చేయడానికి పట్టదు.. తినడానికి రుచి ఉండటంతో అందరూ తింటున్నారు. వాళ్లు తినడమే కాకుండా.. పిల్లలకు కూడా పెడుతూ ఉంటారు. కానీ.. అసలు ఈ మ్యాగీీ పిల్లలు, పెద్దలు తినడం మంచిదేనా? దీనిని తినడం వల్ల కలిగే నష్టాలు ఏంటో చూద్దాం..

చాలా మంది అర్థరాత్రి, అపరాత్రి అనే తేడా లేకుండా ఎప్పుడు ఆకలి వేస్తే.. అప్పుడు మ్యాగీ తింటూ ఉంటారు. కానీ ఇలా తినడం వల్ల చాలా ఆరోగ్య సమస్యలు వస్తాయి. ఈ మ్యాగీ తినడం వల్ల  ట్రాన్స్ ఫ్యాట్ ఉండటం వల్ల కొలెస్ట్రాల్ పెరిగి, డయాబెటిస్‌కు దారితీస్తుంది. సోడియం, ట్రాన్స్ ఫ్యాట్ పిల్లల్లో రోగనిరోధక శక్తిని తగ్గిస్తాయి. పోషకాలు లేకపోవడం వల్ల మానసిక, శారీరక లోపాలు వస్తాయి. దీని వల్ల  పిల్లలు ఊరికూరికే జబ్బుల బారిన పడుతూ ఉంటారు.

46% సోడియం ఉండటం వల్ల హైపర్‌నాట్రేమియా వస్తుంది. మైదాతో చేయడం వల్ల రెగ్యులర్‌గా తింటే ఆరోగ్యం పాడవడం ఖాయం. పిల్లల్లో ఆరోగయ సమస్యలు రావడమే కాదు,  పిల్లల్లో జీర్ణ సమస్యలు కూడా వస్తూ ఉంటాయి. మాగీని రెగ్యులర్‌గా తినడం వల్ల బీపీ పెరిగిపోతుంది. సిట్రిక్ యాసిడ్ వల్ల ఎసిడిటీ, కడుపు సంబంధిత సమస్యలు వస్తాయి.