Green Cardamom: రోజూ రాత్రి పడుకునే ముందు 2 యాలకులు తింటే ఎన్ని లాభాలో తెలుసా?

15

Image Credit : Getty

యాలకుల్లోని పోషకాలు

యాలకులు వంటకు రుచి, సువాసన పెంచుతాయి. అంతేకాదు ఆరోగ్యానికి కూడా చాలా మేలు చేస్తాయి. పచ్చి యాలకుల్లో పొటాషియం, కాల్షియం, మెగ్నీషియం వంటి ఖనిజాలు ఉంటాయి. యాలకుల నూనె, సారం అద్భుతమైన ఔషధ గుణాలను కలిగి ఉంటుంది. ఇది జీవక్రియను పెంచడంలో సహాయపడుతుంది. మరి యాలకులను ఎలా తింటే దాని పూర్తి ప్రయోజనాలు పొందవచ్చో ఇక్కడ తెలుసుకుందాం... 

25

Image Credit : stockPhoto

రాత్రి పడుకునే ముందు..

ఉబ్బరం, గ్యాస్, కడుపు సంబంధిత సమస్యలు ఉన్నవారు రాత్రి పడుకునే ముందు యాలకులు నోట్లో వేసుకుని పడుకోవడం మంచిది. ఇది ఈ సమస్యల నుంచి ఉపశమనం కలిగిస్తుంది. దాన్ని నోట్లో పెట్టుకుని పడుకుంటే, దాని రసం నెమ్మదిగా కడుపులోకి వెళ్తుంది. ఇది అనేక ఆరోగ్య సమస్యలను తగ్గించడంలో సహాయపడుతుంది.

35

Image Credit : Istocks

మంచి నిద్రకు..

సరైన నిద్ర లేకపోతే ఆరోగ్యం దెబ్బతింటుంది. రాత్రి సమయంలో నిద్ర సరిగ్గా రాకపోయినా, నిద్రలేమి సమస్యలున్నా.. పచ్చి యాలకులు తినడం మంచిది.  మీరు చేయాల్సిందల్లా రాత్రి పడుకునే ముందు రెండు యాలకులను బాగా నమిలి తినాలి. తర్వాత గోరువెచ్చని నీటిని తాగితే చాలు. మంచి ఫలితాలు కనిపిస్తాయి.

45

Image Credit : social media

బరువు తగ్గడానికి

బరువు తగ్గడానికి యాలకులు బాగా సహాయపడతాయి. రాత్రి పడుకునే ముందు పచ్చి యాలకులు తింటే శరీరంలో పేరుకుపోయిన కొవ్వును కరిగించడం సులభం అవుతుంది. యాలకుల్లో ఉండే పొటాషియం, మెగ్నీషియం, ఫైబర్, కాల్షియం బరువును నియంత్రించడంలో సహాయపడుతాయి.

55

Image Credit : Freepik

నోటి ఆరోగ్యానికి

యాలకులు నోటి ఆరోగ్యానికి చాలా మేలు చేస్తాయి. నోటి దుర్వాసన వచ్చినప్పుడు రెండు యాలకులు తింటే చాలు. నోటి దుర్వాసన నుంచి ఉపశమనం పొందవచ్చు. ప్రతిరోజూ రాత్రి పడుకునే ముందు రెండు యాలకులు బాగా నమిలి, గోరువెచ్చని నీరు తాగితే మంచి ఫలితాలు చూడవచ్చు.