Garlic Benefits: వెల్లుల్లితో వీటిని కలిపి తీసుకుంటే రెట్టింపు లాభాలు..!
వెల్లుల్లి ఆరోగ్యానికి ఎంత మంచిదో అందరికీ తెలుసు. మనం వెల్లుల్లిని రకరకాల వంటల్లో వాడుతుంటాం. ఇది వంటలకు మంచి రుచిని, వాసనను ఇస్తుంది. వెల్లుల్లిని కొన్ని ఆహార పదార్థాలతో కలిపి తీసుకుంటే చాలా లాభాలు ఉన్నాయి. అవెంటో ఇక్కడ తెలుసుకుందాం.
వంటింట్లో ఉపయోగించే ముఖ్యమైన పదార్థాల్లో వెల్లుల్లి ఒకటి. ఆయుర్వేదం ప్రకారం వెల్లుల్లి ఆరోగ్యానికి చాలా మంచిదని చెబుతారు. వెల్లుల్లిలో విటమిన్ సి, విటమిన్ బి6, విటమిన్ బి1, కాల్షియం, సెలీనియం, రాగి వంటి పోషకాలు ఉన్నాయి. అవి ఆరోగ్యానికి చాలా మేలు చేస్తాయి. ఇది జీర్ణ సమస్య, కీళ్ల నొప్పులు, వాపు వంటి అనేక సమస్యలకు చాలా ప్రభావవంతంగా పనిచేస్తుంది.
వెల్లుల్లితో కలిపి తీసుకోవాల్సిన పదార్థాలు...
వెల్లుల్లితో కొన్ని ఆహార పదార్థాలను కలిపి తీసుకోవడం ద్వారా దాని ఔషధ గుణాలు రెట్టింపు అవుతాయి. అవేంటో ఇక్కడ తెలుసుకుందాం.
1. వెల్లుల్లితో కొద్దిగా వాము కలిపి నూరి కషాయం చేసి పిల్లలకు ఇస్తే వాంతులు, ఆవలింతలు తగ్గుతాయి.
2. వెల్లుల్లి, కలబందను కలిపి దాని రసాన్ని పిల్లలకు ఇస్తే నులి పురుగుల వంటివి తగ్గిపోతాయి.
3. వెల్లుల్లిని పచ్చిగా తింటే అజీర్తి, కడుపు నొప్పి తగ్గుతాయి. రక్తపోటు తగ్గుతుంది. శరీరం బలంగా, ఉత్సాహంగా ఉంటుంది.
వెల్లుల్లిని ఇలా కూడా తీసుకోవచ్చు!
4. వెల్లుల్లి రసాన్ని నాలుకపై రాస్తే నాలుక వాపు తగ్గుతుంది.
5. వెల్లుల్లితో నిమ్మరసం కలిపి రోజూ రెండుసార్లు తాగితే కీళ్ల నొప్పులు తగ్గుతాయి.
6. వెల్లుల్లితో కొద్దిగా ఉప్పు కలిపి తింటే అకస్మాత్తుగా వచ్చే కడుపు నొప్పి, గుండెల్లో మంట తగ్గుతాయి.
7. పాలలో కాస్త వెల్లుల్లి వేసి బాగా మరిగించి తాగితే గుండెపోటు, రక్తపోటు రావట.
వెల్లుల్లి ప్రయోజనాలు..
8. వెల్లుల్లి, అల్లం నుంచి సమానంగా రసం తీసి, రోజూ ఉదయం, సాయంత్రం వరుసగా మూడు రోజులు తాగితే గుండె నొప్పి తగ్గుతుందట.
9. వెల్లుల్లి రసంలో కొద్దిగా ఉప్పు కలిపి బెణుకు మీద రాస్తే త్వరగా తగ్గుతుంది.
10. వెల్లుల్లి, తమలపాకులను బాగా నూరి, దాన్ని మచ్చలపై రాస్తే త్వరగా మచ్చలు తగ్గిపోతాయి.