Tulsi Water: ప్రతిరోజూ ఉదయాన్నే తులసివాటర్ తాగితే ఏమౌతుంది?

తులసి ఆకులను నీటిలో మరిగించి తాగడం వల్ల చాలా రకాల ఆరోగ్య సమస్యలు తగ్గుతాయి. యాంటీ ఆక్సిడెంట్లు ఉన్న తులసి నీళ్లు రోజూ తాగితే రోగనిరోధక శక్తి పెరుగుతుంది.

tulsi water

హిందూ సాంప్రదాయంలో తులసి ని చాలా పవిత్రమైనదిగా పరిగణిస్తారు. దాదాపు అందరూ తులసి మొక్కను ఇంట్లో ఉంచుకొని పూజిస్తూ ఉంటారు. ఈ తులసి ఆకులను ఆయుర్వేదంలోనూ  చాలా ముఖ్యమైనదిగా భావిస్తారు. తులసి ఆకులతో చాలా రకాల ఆరోగ్య సమస్యలను తగ్గించుకోవచ్చు. మరి, అలాంటి ఈ తులసి ఆకులను నీటిని రోజూ ఉదయాన్నే పరగడుపున తాగితే ఎలాంటి ప్రయోజనాలు కలుగుతాయో తెలుసుకుందాం..

తులసి ఆకుల్లో యాంటీ ఆక్సిడెంట్, యాంటీ బాక్టీరియల్, యాంటీ ఇన్ ఫ్లమేటరీ ప్రాపర్టీలు పుష్కలంగా ఉంటాయి. అంతేకాదు, విటమిన్ ఎ, డి, ఐరన్ కూడా ఉంటాయి. ఈ ఆకులను నీటిలో మరిగించి తాగడం వల్ల ఆరోగ్యానికి చాలా మేలు జరుగుతుంది.  యాంటీ ఆక్సిడెంట్లు ఉన్న తులసి నీళ్లు రోజూ తాగితే రోగనిరోధక శక్తి పెరుగుతుంది.

జలుబు, దగ్గు, ఆస్తమా వంటి శ్వాసకోశ సమస్యలను తగ్గించడానికి తులసి నీళ్ళు సమర్థవంతంగా పని చేస్తాయి.  ఉదయాన్నే పరగడుపున తులసి నీళ్ళు తాగితే జీర్ణ సమస్యలు రాకుండా చూసుకోవచ్చు. గ్యాస్, ఉబ్బరం వంటి సమస్యలను కూడా తగ్గించేస్తాయి. కొలెస్ట్రాల్ తగ్గించి, హృదయ ఆరోగ్యాన్ని కాపాడుకోవడానికి తులసి నీళ్ళు తీసుకోవడం మంచిది. తులసి నీళ్ళు మానసిక ఒత్తిడి, ఆందోళన తగ్గించి, జ్ఞాపకశక్తి పెంచుతాయి. రక్తంలో చక్కెర స్థాయిలను తగ్గించడానికి కూడా తులసి నీళ్ళు బాగా పని చేస్తాయి.

నోటిలో ఇన్ఫెక్షన్లను నివారించి, నోటి ఆరోగ్యాన్ని మెరుగుపరిచే యాంటీమైక్రోబయల్ లక్షణాలు తులసిలో ఉన్నాయి. తులసి నీళ్ళతో పుక్కిలిస్తే చిగుళ్ళ ఆరోగ్యం మెరుగుపడుతుంది, నోటి దుర్వాసన తగ్గుతుంది.

ఇమ్యూనిటీ బూస్టర్
తులసిలో ఉండే యూజినాల్ (Eugenol), లినాలూల్ (Linalool), సిట్రాల (Citral) వంటి నేచురల్ ఆయిల్స్ శరీరంలో ఫ్రీ రాడికల్స్‌ను నివారించి రోగనిరోధక శక్తిని పెంచుతాయి.

టాక్సిన్స్  తొలగింపు (Detox Effect)
తులసి నీళ్లు లివర్‌ను శుభ్రపరచడంలో సహాయపడతాయి. శరీరంలోని టాక్సిన్లను బయటకు పంపించి ఫ్రెష్ ఫీలింగ్ ఇస్తుంది.

బీపీ, డయాబెటిస్‌ను నియంత్రణ
తులసిలో గ్లూకోజ్ మెటబాలిజాన్ని నియంత్రించే గుణాలు ఉంటాయి. తులసి నీళ్లు తాగడం వల్ల రక్తంలో చక్కెర స్థాయిలు సమతుల్యంగా ఉంటాయి.అలాగే ఇది అధిక రక్తపోటును తగ్గించడానికి సహాయపడుతుంది.

Basil water

హార్మోన్ల సమతుల్యత
తులసి ఆడ, మగ హార్మోన్లపై ప్రభావం చూపుతుంది. ముఖ్యంగా PCOS ఉన్న మహిళలలో తులసి నీళ్లు తాగడం వల్ల హార్మోన్ల అసమతుల్యత తగ్గుతుంది.
 చర్మ ఆరోగ్యం
తులసి నీళ్లలో ఉండే యాంటీ బాక్టీరియల్ లక్షణాలు మొటిమలు, చర్మవ్యాధులను తగ్గించేందుకు ఉపయోగపడతాయి.  తక్కువ సమయంలో చర్మానికి గ్లో ఇస్తుంది.

మెదడు ఆరోగ్యం, శాంతి
తులసి నెర్వ్ టానిక్‌గా పనిచేస్తుంది. మానసిక ఒత్తిడి, నిద్రలేమి, ఆందోళన తగ్గించడంలో ఇది సహాయపడుతుంది. సెంట్రల్ నర్వస్ సిస్టమ్‌కి తులసి శాంతినిచ్చే ఔషధంగా మారుతుంది.

thulsi water

మూత్రనాళం ఆరోగ్యం
తులసి నీళ్లు యూరిన్‌లో ఇన్ఫెక్షన్లను నివారించడంలో సహాయపడతాయి. తరచూ ఇన్ఫెక్షన్లు వచ్చే వారికి ఇది చాలా బాగా సహాయపడుతుంది.

తులసి నీటిని ఎలా తయారు చేయాలి?
8-10 తులసి ఆకులు తీసుకుని 1 గ్లాసు నీటిలో వేయాలి. కనీసం 5 నుంచి 7 నిమిషాల పాటు ఆ నీటిని మరిగించాలి. ఆ తర్వాత  ఆ నీటిని చల్లార్చి..గోరువెచ్చగా ఉన్న సమయంలో తాగాలి. ప్రతిరోజూ పరగడుపున ఉదయం ఒక్కసారి తాగితే చాలు. మంచి ఫలితాలు వస్తాయి.