Health Tips: బొప్పాయి తిన్న తరువాత ఇవి తింటే ప్రమాదమా?

Papaya: బొప్పాయిలో ఫైబర్, విటమిన్లు వంటి అనేక పోషకాలు ఉన్నాయి. కొవ్వును తగ్గించడానికి, బరువు తగ్గడానికి, జుట్టు పెరుగుదలకు మొదలైన అనేక ఆరోగ్య ప్రయోజనాల కోసం బొప్పాయి తిన్న తరువాత ఈ ఆహారాలను తినకూడదట. ఆ ఆహారాపదార్థాలు తింటే ఆరోగ్య సమస్యలు వస్తాయంట? ఆ సమస్యలేంటీ? అనే విషయాలు తెలుసుకుందాం.  

పాలు :

బొప్పాయి తిన్న వెంటనే పాలు తాగితే.. జీర్ణక్రియపై ప్రభావం పడుతుంది. బొప్పాయిలోని కొన్ని ఎంజైమ్‌లు పాలలోని ప్రోటీన్లతో చర్య జరిపి, ఉబ్బరం, గ్యాస్, కడుపు నొప్పి వంటి సమస్యలు తలెత్తుతాయి. అందువల్ల బొప్పాయి తిన్న కనీసం ఒక గంట తర్వాత పాల ఉత్పత్తులను తీసుకోవడం మంచిది.

గుడ్లు:

పాలలోలాగే గుడ్లలో కూడా అధిక మొత్తంలో ప్రోటీన్ ఉంటుంది. బొప్పాయి  తిన్న తర్వాత గుడ్లు తినడం వల్ల జీర్ణవ్యవస్థపై ఒత్తిడి పెరిగి అసౌకర్యం కలుగుతుంది. ఈ కలయిక కొంతమందికి గుండెల్లో మంట కూడా రావొచ్చు. 

నిమ్మ

బొప్పాయి, నిమ్మకాయల్లో ఆమ్ల స్వభావం ఉంటాయి. వీటిని కలిపి తీసుకుంటే కడుపులో ఆమ్లత పెరిగి, గుండెల్లో మంట, వికారం, వాంతులు వంటి సమస్యలు వచ్చే అవకాశం ఉంది. నారింజ, ద్రాక్ష వంటి ఇతర పుల్లని సిట్రస్ పండ్లను కూడా బొప్పాయి తిన్న తర్వాత తినకపోవడమే మంచిది.

టీ

బొప్పాయి తిన్న తరవాత టీ తాగడం సరికాదు. టీలోని టానిన్లు బొప్పాయిలోని కొన్ని పోషకాల శోషణకు ఆటంకం కలిగిస్తాయి. అంతేకాకుండా టీ, బొప్పాయి రెండూ శరీరంలోని వేడిని పెంచుతాయి. అసౌకర్యాన్ని కలిగిస్తాయి. 

పెరుగు

పెరుగు ఒక పాల ఉత్పత్తి. బొప్పాయి తిన్న వెంటనే పెరుగు తినడం వల్ల జీర్ణ సమస్యలు వస్తాయి. పాల ఉత్పత్తులతో  బొప్పాయి తిన్నప్పుడు కలిగే దుష్ప్రభావాలే పెరుగు తిన్నప్పుడు కూడా తలెత్తుతాయి. 

అనాసపండు

అనాసపండులో బ్రోమెలైన్ అనే ఎంజైమ్ ఉంటుంది. ఇది బొప్పాయిలోని ఎంజైమ్‌లతో చర్య జరిపి, కొంతమందికి కడుపు నొప్పి, జీర్ణకోశ సమస్యలను కలిగిస్తుంది. అందువల్ల బొప్పాయి తిన్నతర్వాత అనాసపండు తినకపోవడమే మంచిది. 

కాకరకాయ

బొప్పాయి తిన్న వెంటనే కాకరకాయ తినడం కూడా మంచిది కాదు. ఈ రెండింటిని కలిపి తినడం వల్ల కొంతమందికి వికారం, వాంతులు సమస్యలు కలుగుతాయి. ఈ రెండు ఆహారాల కలయిక జీర్ణవ్యవస్థను దెబ్బతీసే అవకాశం ఉంది.

చల్లని పానీయాలు/ఆహారాలు

బొప్పాయి తిన్న వెంటనే చల్లని పానీయాలు లేదా చల్లని ఆహారాలు తీసుకోవడం వల్ల జీర్ణ ప్రక్రియ నెమ్మదిస్తుంది. ఇది పోషకాల శోషణను ప్రభావితం చేస్తుంది. కడుపు నొప్పి రావొచ్చు. అందువల్ల.. బొప్పాయిలో  ప్రయోజనాలను పొందడానికి, జీర్ణ సమస్యలను నివారించడానికి,  బొప్పాయి తిన్న కనీసం ఒక గంట తర్వాత మాత్రమే పైన పేర్కొన్న ఆహారాలను తీసుకోవడం మంచిది.