Weight Loss: ఈ 5 రకాల ఫుడ్స్ తింటూ ఈజీగా, ఫాస్ట్ గా బరువు తగ్గచ్చు!
ప్రస్తుతం చాలామంది అధిక బరువుతో బాధపడుతున్నారు. బరువు తగ్గేందుకు రకరకాల ప్రయత్నాలు చేస్తున్నారు. కానీ హెల్తీగా బరువు తగ్గితేనే తిరిగి పెరగకుండా ఉంటారు. మరి ఆరోగ్యకరమైన రీతిలో ఫాస్ట్ గా బరువు తగ్గాలంటే ఎలాంటి ఫుడ్స్ తీసుకోవాలో ఇక్కడ తెలుసుకుందాం.
బరువు తగ్గడానికి సహాయపడే ఆహారాలు
ఈ రోజుల్లో చాలా మంది అధిక బరువు సమస్యతో బాధపడుతున్నారు. దీనికి కారణం చెడు జీవనశైలి, అనారోగ్యకరమైన ఆహారపు అలవాట్లు, శారీరక శ్రమ లేకపోవడం. కానీ సరైన ఆహారం తీసుకుంటే బరువు తగ్గడం సులభం. ముఖ్యంగా మనం ప్రతిరోజూ తీసుకునే కొన్ని ఆహారాలు బరువు తగ్గడానికి చాలా చక్కగా సహాయపడతాయి. అవేంటో ఇక్కడ తెలుసుకుందాం.
రాగి
రాగిలో ఫైబర్, కాల్షియం, అమైనో ఆమ్లాలు పుష్కలంగా ఉంటాయి. ఇది బరువు నియంత్రణకు, ఎముకల ఆరోగ్యానికి చాలా మంచిది. రాగి నెమ్మదిగా జీర్ణమవుతుంది. కాబట్టి ఇది మీ కడుపును ఎక్కువసేపు నిండుగా ఉంచుతుంది. ఎక్కువగా తినాలనే కోరికను తగ్గిస్తుంది. రాగితో దోస, ఇడ్లీ, చపాతీ వంటి ఆరోగ్యకరమైన, పోషకమైన ఆహారాన్ని తయారు చేసుకోవచ్చు. ఇవి రుచిగా ఉంటాయి. బరువు తగ్గడానికి సహాయపడతాయి.
మఖానా :
ఆరోగ్యకరంగా బరువు తగ్గడంలో మఖానా కీలక పాత్ర పోషిస్తుంది. మఖానాలో కేలరీలు తక్కువ, యాంటీఆక్సిడెంట్లు ఎక్కువగా ఉండటం వల్ల బరువు తగ్గడం సులభం అవుతుంది. ఒక చిన్న మఖానాను నెయ్యిలో వేయించి.. కొద్దిగా చాట్ మసాలా చల్లి మధ్యాహ్న భోజనంగా తీసుకోవచ్చు. బరువు తగ్గాలనుకునే వారికి ఇది చాలా ఉపయోగకరంగా ఉంటుంది.
కొబ్బరి :
కొబ్బరిలో కేలరీలు తక్కువగా ఉండటం వల్ల ఇది బరువు తగ్గడానికి సహాయపడుతుందని చెబుతారు. కొబ్బరి జీర్ణక్రియను మెరుగుపరుస్తుంది. అతిగా తినడాన్ని నిరోధిస్తుంది. ఆకలిని తగ్గిస్తుంది. శరీరంలో కొవ్వు పేరుకుపోకుండా నిరోధిస్తుంది. కొబ్బరిలో చలువచేసే గుణాలు ఉన్నాయి. బరువు తగ్గడానికి దీన్ని నేరుగా లేదా కూర, చట్నీ చేసుకొని తినవచ్చు.
సజ్జలు :
ఆరోగ్యానికి మేలు చేసే ధాన్యాల్లో సజ్జలు ముందుంటాయి. వీటిలో కరగని ఫైబర్, సంక్లిష్ట కార్బోహైడ్రేట్లు పుష్కలంగా ఉండటం వల్ల జీర్ణం కావడానికి ఎక్కువ సమయం పడుతుంది. ఇది మీ కడుపును గంటల తరబడి నిండుగా ఉంచుతుంది. ఆకలిని తగ్గిస్తుంది. డయాబెటిస్ లేదా ఇన్సులిన్ రెసిస్టెన్స్తో పోరాడుతున్న వారికి ఇవి చాలా మంచిదని నిపుణులు చెబుతున్నారు. బరువు తగ్గడానికి వీటిని మీకు నచ్చిన విధంగా తయారుచేసుకొని తినచ్చు.
రాజ్గిరా లేదా అమరాంత్ :
రాజ్గిరా ధాన్యంలో ప్రోటీన్, ముఖ్యమైన పోషకాలు పుష్కలంగా ఉంటాయి. ఇది మీ కడుపును నిండుగా ఉంచుతుంది. కొవ్వును తగ్గించడంలో సహాయపడుతుంది. ఇది సహజంగానే గ్లూటెన్ రహితమైంది. జీర్ణం చేసుకోవడం సులభం. కాబట్టి దీన్ని మీరు రొట్టె, లడ్డూ లేదా మీకు నచ్చిన విధంగా తయారు చేసుకొని తినచ్చు.