Motivational story: అంతా మనం చూసే విధానమే.. ఈ కథ చదివితే మీ ఆలోచన మారాల్సిందే
మనం నిత్యం సమాజంలో ఎంతో మందిని చూస్తుంటాం. ఎన్నో సంఘటనలు తెలుసుకుంటుంటాం. అయితే వాటిపై ఒక్కొక్కరికి ఒక్కో అభిప్రాయం ఉంటుంది. పక్కవారిని జడ్జ్ చేసే ముందు మనం ఎలా చూస్తున్నాం తెలుసుకోవాలనే గొప్ప సందేశం ఉన్న కథ గురించి ఇప్పుడు తెలుసుకుందాం.
కొత్త ఇంట్లోకి జంట
ఓ జంట అప్పుడే కొత్తింట్లోకి మారారు. మరుసటి రోజు ఉదయం ఆ ఇంటికి పక్కన ఉన్న మరో ఇంటిలో ఆరేసిన దుస్తులను కిటికీలో నుంచి చూసిన భర్య, భర్తతో ఇలా అంటుంది.. 'ఆ పక్కింటి వాళ్లు ఆరేసిన దుస్తులు చూడండి ఎంత డర్టీగా ఉన్నాయో. మన దుస్తులు చూడండి ఎంత తెల్లగా ఉన్నాయో. దుస్తులను ఎలా ఉతుక్కోవాలో కూడా తెలియదనుకుంటా. నేను మాత్రం అంత నిర్లక్ష్యంగా ఉండను' అంటూ చెప్పుకొచ్చింది.
మరుసటి రోజు కూడా..
భార్య చెప్పిన మాటలు విన్న భర్త ఏం స్పందించలేదు. మరుసటి రోజు కూడా ఉదయం బ్రేక్ఫాస్ట్ చేసే సమయంలో సేమ్ సీన్ రిపీట్ అవుతుంది. చూశారా.. 'ఈరోజు కూడా వాళ్ల పరిస్థితి అంతే. ఆ దుస్తులు ఎంత మురికిగా ఉన్నాయి. కాస్త డిటర్జెంట్ వేస్తే ఏం పోతుంది' అంటూ భర్తకు చెబుతుంది. ఇప్పుడు కూడా భర్త సైలెంట్గా ఉంటాడు.
మూడో రోజు షాక్
మూడో రోజు పక్కింటి వాళ్లు ఆరేసిన దుస్తులను చూసిన భార్య ఒక్కసారిగా షాక్ అవుతుంది. 'ఇదేంటి ఈ రోజు దుస్తులు ఇంత శుభ్రంగా ఉన్నాయి. కనీసం ఇప్పుడు అయినా బాగా ఉతకడం వచ్చిందేమో. ఎవరో నేర్పి ఉంటారు కదా? లేదా నేను మాట్లాడింది రహస్యంగా విని ఉంటారా.?' అని చెబుతుంది.
అప్పుడు భర్త ఇచ్చిన సమాధానం ఆమెను ఆశ్చర్యానికి గురి చేస్తుంది. "ఈరోజు నేను ఉదయమే లేచి మన కిటికీ తుడిచాను' అని చెబుతాడు. అంటే ఇన్ని రోజులు ఆమె చూస్తున్న కిటికీలు శుభ్రంగా లేని కారణంగానే దుస్తులు మురికిగా కనిపించాయన్నమాట.
గొప్ప నీతి
మనకు ఇతరులు ఎలా కనిపిస్తున్నారు అనే విషయం… మనం చూసే కిటికీ ఎంత స్పష్టంగా ఉందో దానిపైనే ఆధారపడి ఉంటుంది. మన మనసులో కోపం, ఈర్ష్య, నిరాశ, స్వార్థం వంటివి ఉంటే… మన దృష్టికోణం కూడా మసకబారుతుంది. కాబట్టి ఎవరినీ తొందరగా జడ్చ్ చేయకూడదు.