100 కోట్ల క్లబ్‌లో 10 సినిమాలు చేసిన బ్లాక్ బస్టర్ డైరెక్టర్ ఎవరో తెలుసా?

ఫిల్మ్ ఇండస్ట్రీలో ఆయన టాప్ డైరెక్టర్. ప్రయోగాలు చేయడంలో ఆయనకు ఆయనే సాటి. 50 ఏళ్లు దాటినా యంగ్ లుక్ లో కనిపించే ఈ దర్శకుడు 100 కోట్ల కలెక్షన్లు దాటిన  సినిమాలు 10 పైగా తీశాడు. ఇంతకీ ఎవరా దర్శఖుడు?

Rohit Shetty Birthday

Rohit Shetty 10 Best Movies With 100 Crores :  బాలీవుడ్ టాప్ డైరెక్టర్ రోహిత్ శెట్టి ఒకరు.  51 ఏళ్ల రోహిత్ శెట్టి యాక్షన్ సీనిమాలకు పెట్టింది పేరు.  1974లో ముంబైలో పుట్టి పెరిగిన రోహిత్ తండ్రి ఎం.పి.శెట్టి. ఈయన 60-70 కాలంలో ఫిల్మ్ ఇండస్ట్రీలో విలన్ పాత్రలు వేయడంతో పాటు  స్టంట్ మేన్ గా కూడా పనిచేశాడు. రోహిత్ కూడా బాలీవుడ్‌లో చాలా హిట్ సినిమాలు ఇచ్చాడు. బాలీవుడ్ లో ఆయన చేసిన  10 సినిమాలు 100 కోట్ల క్లబ్‌లో చేరాయి. ఈ రికార్డ్ సాధించిన ఏకైక దర్శకుడు రోహిత్ మాత్రమే. ఇక 100 కోట్ల క్లబ్ లో చేరిన రోహిత్ సినిమాలేవంటే. 

1. గోల్‌మాల్ 3

రోహిత్ శెట్టి మొదటి 100 కోట్ల సినిమా 2010లో వచ్చిన గోల్‌మాల్ 3. ఈ సినిమా రూ.167 కోట్లు వసూలు చేసింది. ఇందులో అజయ్ దేవగన్, కరీనా కపూర్, అర్షద్ వార్సి, తుషార్ కపూర్ ఇలా  చాలా మంది బాలీవుడ్ స్టార్స్  నటించారు.

2. సింగం

2011లో తెరపైకి వచ్చిన సూపర్ హిట్ సినిమా సింగం. బాక్స్ ఆఫీస్‌లో 157.89 కోట్లు వసూలు చేసింది. ఇందులో అజయ్ దేవగన్, కాజల్ అగర్వాల్, ప్రకాష్ రాజ్ లాంటి ఎంతో మంది స్టార్స్ నటించారు.

3. బోల్ బచ్చన్

2012లో వచ్చిన రోహిత్ శెట్టి బోల్ బచ్చన్ సినిమా కూడా బాగా ఆడింది. ఈ సినిమా 165 కోట్లు వసూలు చేసింది. ఇందులో అజయ్ దేవగన్, అభిషేక్ బచ్చన్, అసిన్, ప్రాచి దేశాయ్ నటించారు.

4. చెన్నై ఎక్స్‌ప్రెస్

2013లో షారుక్ ఖాన్, దీపికా పదుకొనే, సత్యరాజ్ నటించిన చెన్నై ఎక్స్‌ప్రెస్ సినిమా బాక్స్ ఆఫీస్‌ దగ్గర బ్లాస్ట్ అయ్యింది.  వేరే లెవెల్‌లో హిట్ అందుకుంది. రోహిత్ శెట్టి తెరకెక్కించిన  ఈ సినిమా 424 కోట్లు వసూలు చేసింది.

5. సింగం రిటర్న్స్

సింగం సినిమాకు సీక్వెల్ గా వచ్చిన  సింగం రిటర్న్స్ కూడా అద్భుతం చేసింది.  రోహిత్ శెట్టి రూపొందించి, 2014లో వచ్చిన ఈ సినిమా బాక్స్ ఆఫీస్‌లో బాగా ఆడింది. అజయ్ దేవగన్, కరీనా కపూర్ నటించిన  సింగం రిటర్న్స్  220.5 కోట్లు వసూలు చేసింది.

6. దిల్వాలే 

షారుక్ ఖాన్, కాజోల్, వరుణ్ ధావన్, కీర్తి సనోన్ నటించిన  సినిమా దిల్వాలే. 2015లో వచ్చిన దిల్వాలే సినిమా 376.85 కోట్లు వసూలు చేసింది. రోహిత్ శెట్టి హిట్ సినిమాల్లో ఒకటిగా చేరింది. 

simmba

7. గోల్‌మాల్ అగైన్

గోల్ మాల్ సినిమాకు రీమేక్ గా గోల్‌మాల్ అగైన్ సినిమాను తెరకెక్కించారు రోహిత్ శెట్టి.  2017లో వచ్చిన ఈ సినిమాలో  అజయ్ దేవగన్, టబు, పరిణీతి చోప్రా, అర్షద్ వార్సి, తుషార్ కపూర్, కునాల్ కెము నటించారు. ఈ సినిమా బాక్సాఫీస్ దగ్గర  310.9 కోట్లు వసూలు చేసింది.

8. సింబా 

రణ్‌వీర్ సింగ్, సారా అలీఖాన్, సోను సూద్ నటించిన సింబా సినిమా 2018లో వచ్చింది. ఈ సినిమా బాక్స్ ఆఫీస్‌లో 400.19 కోట్లు బిజినెస్ చేసింది.

9. సూర్యవంశీ 

2021లో వచ్చిన రోహిత్ శెట్టి సూర్యవంశీ సినిమా బాక్స్ ఆఫీస్‌లో బాగా ఆడింది. అక్షయ్ కుమార్, కత్రినా కైఫ్ నటించిన ఈ సినిమా 294.91 కోట్లు వసూలు చేసింది.

10. సింగం అగైన్

2024లో వచ్చిన రోహిత్ శెట్టి సింగం అగైన్ సినిమా కూడా బాగా ఆడింది. అజయ్ దేవగన్, కరీనా కపూర్, టైగర్ ష్రాఫ్, అక్షయ్ కుమార్, రణ్‌వీర్ సింగ్ నటించిన ఈ సినిమా 389.64 కోట్లు బిజినెస్ చేసింది.