రష్మికను బెదిరించలేదు, మాట మార్చిన కాంగ్రెస్ ఎమ్మెల్యే, కారణం ఏంటో తెలిస్తే షాక్ అవుతారు.

14

Congress MLA Backtracks on Rashmika Mandanna Controversy: నటి రష్మిక మందన్న గురించి కర్ణాటక కాంగ్రెస్ ఎమ్మెల్యే రవి కుమార్ గౌడ చేసిన వ్యాఖ్యలు వివాదాస్పదం కాగా, ఆయన తన  ప్రకటనపై  మరింత వివరణ ఇచ్చారు. ఆయన వ్యాఖ్యలు దేశ వ్యాప్తంగా దుమారం రేపాయి. చాలా మంది సోషల్ మీడియా వేదికగా విమర్శలు చేయడం మొదలు పెట్టారు. మరీ ముఖ్యంగా కొడవా సమాజంలో ఆందోళన కలిగించింది.

వారు వెంటనే రష్మికకు జాతీయ స్థాయిలో  భద్రత కలిపించాలని వారు కోరారు. ఈ డిమాండ్ పెరుగుతుండటంతో వివరణ ఇచ్చారు రవికుమార్. వివాదాస్పద ప్రకటనతో వార్తల్లో నిలిచిన రవి కుమార్ గౌడ, రష్మిక మందన్న,  ప్రభుత్వం ఆహ్యానించినా కూడా  కార్యక్రమంలో పాల్గొననందున "ఆమెకు ఒక గుణపాఠం చెప్పాలి" అని ఇంతకు ముందు పేర్కొన్నారు. కానీ ఇప్పుడు ఇచ్చిన ఇంటర్వ్యూలో మాట మార్చారు. 

24

రష్మిక మందన్న

రవికుమార్ ఏమన్నారంటే.. నేను చేసిన కామెంట్స్ లో ఆమెకు ఒక గుణపాఠం చెబుతానని చెప్పినప్పుడు, నేను జీవిత పాఠాల గురించి చెప్పాను, కానీ నేను ఆమెను కొట్టాలని చెప్పలేదు; మీరు ఎక్కిన నిచ్చెనను తన్నవద్దని చెప్పాను. ఆమెను పెంచిన రాష్ట్రాన్ని గౌరవించాల్సిన ప్రాముఖ్యతను గుర్తు చేయడానికి మాత్రమే తాను ఆ వాఖ్యలు  చేశానని  ఆయన అన్నారు.

"రష్మిక మందన్నను మా రాష్ట్ర కార్యక్రమానికి పిలిచినప్పుడు రాలేదు. మీరు రాష్ట్ర ఆహారం తిని పెరిగారు, కాబట్టి దాని కోసం నిలబడండి అని నేను ఆమెతో చెప్పాను," అని గౌడ అన్నారు. తన ఉద్దేశం ఆమెను వ్యక్తిగతంగా విమర్శించడం కాదని ఆయన స్పష్టం చేశారు.

34

కాంగ్రెస్ ఎమ్మెల్యే రవి

గౌడ ఇంకా మాట్లాడుతూ, "నేను రష్మిక మందన్న సినిమా కూడా చూశాను. నేను నా మాటల్లో కట్టుబడి ఉన్నాను. మా రాష్ట్రం, మా భూమి, కన్నడ భాషను గౌరవించాలి." ఆమె భద్రత ఉన్నప్పటికీ, ఈ ప్రకటన ఇప్పటికే వివాదాన్ని రేకెత్తించింది.

ముఖ్యంగా నటి కర్ణాటకలో జరిగిన మునుపటి కార్యక్రమంలో పాల్గొనడానికి నిరాకరించిన తర్వాత. రాష్ట్రంలో జరిగిన అంతర్జాతీయ చలన చిత్రోత్సవంలో పాల్గొనడానికి మందన్నకు ఆహ్వానం పంపిన తరువాత ఈ వ్యాఖ్యలు వచ్చాయి అన్నారు. రష్మిక మందన్న కన్నడ చిత్రం కిరిక్ పార్టీ ద్వారా కర్ణాటకలో తన జీవితాన్ని ప్రారంభించినప్పటికీ, రాష్ట్ర సంస్కృతి మరియు భాషను అంగీకరించడానికి నిరాకరించారగ. 

అంతే కాదు  "కర్ణాటక ఎక్కడ ఉందో నాకు తెలియదు, నాకు సమయం లేదు" అని చెప్పినట్లు గౌడ తన నిరాశను వ్యక్తం చేశారు. వ్యాఖ్యల తరువాత, రష్మిక సభ్యురాలిగా ఉన్న కొడవా నేషనల్ కౌన్సిల్ (KNC), నటి భద్రత గురించి తీవ్ర ఆందోళన వ్యక్తం చేసింది.

44

రష్మిక

కౌన్సిల్ వ్యాఖ్యలకు విచారం వ్యక్తం చేసింది, మందన్నకు రక్షణ కల్పించాలని అధికారులను కోరింది, ఇంకా వేధింపులు మరియు బెదిరింపులు జరిగే అవకాశం ఉందని పేర్కొంది. రష్మిక మందన్న భద్రతను నిర్ధారించాలని కొడవా సమాజం కేంద్ర హోం మంత్రి అమిత్ షా, కర్ణాటక రాష్ట్ర హోం మంత్రి జి పరమేశ్వర్‌లను కోరింది.

బెదిరింపులను ఖండిస్తూ తక్షణ చర్యలు తీసుకోవాలని కోరుతూ సమాజం తరపున అధికారిక లేఖ సమర్పించబడింది.నటి రష్మిక మందన్న చివరిగా పుష్ప 2: ది రూల్ మరియు చావా బ్లాక్‌బస్టర్ చిత్రాలలో కనిపించింది, ఈ రెండు చిత్రాలు కూడా భారీ బ్లాక్ బస్టర్స్ గా నిలిచాయి. దాంతో దేశవ్యాప్తంగా రష్మిక పేరు మారుమోగిపోతోంది. 

ఇక ప్రస్తుతం  బాలీవుడ్ స్టార్ హీరో, కండల వీరుడు  సల్మాన్ ఖాన్‌తో కలిసి ఆమె నటించిన సికందర్ చిత్రం రంజాన్ పండుగకు విడుదల కానుంది. ఇది కాకుండా ఆమె నటుడు ధనుష్‌తో 'కుబేరా' మరియు ఆయుష్మాన్ ఖురానా నటించిన 'తమా'  సినిమాల్లో నటిస్తోంది.