ఎన్టీఆర్, ఏఎన్నార్ కాదు ఫస్ట్ ఫారెన్ లో షూటింగ్ చేసిన తెలుగు హీరో ఎవరు? ఏ సినిమా?

ఇప్పుడంటే వందల కోట్లు ఖర్చు పెట్టి ఫారెన్ లో పెద్ద పెద్ద సెట్లు వేసి సినిమాలు చేస్తున్నారు కాని. తెలుగులో ఫస్ట్ ఫారెన్ షూట్ చేసిన హీరో ఎవరో తెలుసా? అసలు మొదటి సారి విదేశాల్లో షూటింగ్ చేసుకున్న సినిమా ఏది? 

ప్రస్తుతం కన్నప్ప లాంటి సినిమాలు కంప్లీట్ గా  ఫారెన్ లోనే  షూటింగ్స్ జరుపుకుంటున్నాయి. అది ఇప్పుడు పెద్ద విషయం కాదు. వందల కోట్ల బడ్జెట్ పెడుతుంటారు కాబట్టి ప్రపంచంలో ఎక్కడైనా వెళ్ళి షూటింగ్ చేసి వస్తుంటారు. కాని ఒకప్పుడు అలా కాదు. సినిమాలన్నీ స్టూడియోల్లోనో.. ప్రత్యేకంగా కొన్ని ఊర్లలోనో జరిగేవి. బయట కూడా ఎక్కడ పడితే అక్కడ షూటింగ్స్ చేసేవారు కాదు. ఇక ఆతరువాత కాలంలో రాను రాను మార్పులు జరిగాయి.  

పెద్ద సినిమా అయితేనే ఫారెన్ లో షూట్ కు వెళ్ళడం.. చిన్న బడ్జెట్ తో అయితే ఇక్కడే కానిచ్చేస్తూ వచ్చారు. కాని ఇప్పుడు ఆ పరిస్థితి లేదు. చిన్నా పెద్దా సినిమాలని లేవు. ఏ సినిమా అయినా ఒక్క సీన్ అయినా షారెన్ లో చేయాల్సిందే. 9‌0స్ లో అయితే ముఖ్యంగా పాటలను ఖచ్చితంగా ఫారెన్ లోకేషన్స్ లో షూట్ చేసేవారు. ఇక  అసలు తెలుగులో మొదటిసారి ఫారెన్ షూట్ కు వెళ్ళిన సినిమా ఏంటి..? ఆ సినిమాకు హీరో ఎవరు..? 

 ప్ర‌స్తుతం  రోజుల్లో చాలా కామ‌న్ అయిపోయింది. నేచురల్ గా ఉండాలని చిన్న సన్నివేశాలకు కూడా  కోట్ల‌కు కోట్లు ఖ‌ర్చు పెట్టి  ఫారెన్ లొకేషన్లు వెతుక్కుంటూ వెళ్తున్నారు. అయితే ఓ నలబై యాబై ఏళ్ళ క్రితం మాత్రం  సినిమా షూటింగ్స్ అంటే స్టూడియోల్లో మాత్రమే జరిగేవి. అప్పట్లో  ఫారెన్ లో షూటింగ్ అంటే భయపడేవారు నిర్మాతలు. మరి అలాంటి రోజుల్లో కూడా  విదేశాల్లో షూటింగ్ జ‌రుపుకున్న ఫస్ట్ మూవీ ఏదో తెలుసా..? ఆ సినిమాకు హీరో ఎవరో తెలుసా..? 

ఆ సినిమా ఏదో కాదు  హరే కృష్ణ హలో రాధ. ఈసినిమాకు హీరో సూపర్ స్టార్ కృష్ణ. సి.వి.శ్రీధర్ డైరెక్ట్ చేసిన ఈ సినిమాలో శ్రీ ప్రియ హీరోయిన్ గా నటించింది. రతి అగ్నిహోత్రి, కైకాల సత్యనారాయణ, సత్తార్, ప్రకాష్ లాంటి సీనియర్ నటులు సందడి చేసిన ఈసినిమా రెండు భాషల్లో రిలీజ్ అయ్యింది. అయితే తెలుగు లో కృష్ణ హీరోగా నటిస్తే.. తమిళంలో శివ చంద్రన్ హీరోగా నటించారు. ఈరెండు వర్షన్లు ఒకేసారి తెరకెక్కించడం విశేషం.

శ్రీ భరణీ చిత్ర ఎంటర్‌ప్రైజెస్ బ్యాన‌ర్ పై ఏక‌కాలంలో తెలుగు, త‌మిళ భాష‌ల్లో ఈ సినిమాను నిర్మించారు. తెలుగు వెర్షన్‌ లో కృష్ణ, తమిళ వెర్షన్‌ శివ చంద్రన్‌ హీరోలుగా నటించారు. ఈసినిమా మొదటిసారి ఫారెన్ షూట్ జరుపుకున్న తెలుగు సినిమాగా రికార్డ్ సాధించింది.

అయితే ఈసినిమాలో ఫారెన్ షూట్ ఏం చేశారంటే..? హరే కృష్ణ హలో రాధలో ఒక పాట, కొన్ని సన్నివేశాలు మినహా మూడొంతులు సినిమా మొత్తాన్ని  అమెరికాలోనే షూటింగ్ చేశారట.  

అప్పటికే కృష్ణతో బంధం పెంచుకున్న విజయనిర్మల.. ఈమూవీలో నటించకపోయినా.. ఆయనతో కలిసి  అమెరికాకు విజయనిర్మల కూడా వెళ్లారు. వంటల్లో స్పెషలిస్టు అయిన విజ‌య‌నిర్మ‌ల‌.. అమెరికాలో ఉన్నన్ని రోజులు టీమ్ కు ఆమే వంట కూడా చేసి పెట్టారట. 

ఇక ఈసినిమాలో కృష్ణ అమెరికా సీన్స్ అద్భుతంగా ఉంటాయి. అప్పట్లో అమెరికా ఎలా ఉంటుందో  ఇప్పటి తరం జనాలకు కళ్ళకు కట్టినట్టు కనిపిస్తుంది. ఇక 1980 అక్టోబర్ 16న హరే కృష్ణ హలో రాధ  రిలీజ్ అయ్యింది. అప్పటికే కృష్ణ సినిమాల పరంగా చాలా రికార్డ్ సాధించారు. ఫస్ట్ కౌవ్ బాయ్ మూవీ, ఫస్ట్ కలర్ మూవీ, ఫస్ట్ యాక్షన్ హీరో.. ఇలా రికార్డ్స్ చాలా ఉన్నాయి కృష్ణ పేరుమీద. ఫస్ట్ ఫారెన్ షూటింగ్ రికార్డ్ కూడా కృష్ణకే దక్కింది.