ప్రైవేట్ రంగంలో కూడ లక్ష ఉద్యోగాలు: ఉత్తమ్ బంపర్ ఆఫర్

ఆంధ్రా పాలకుల కంటే  కేసీఆర్ కుటుంబమే ఎక్కువ దోచుకొందని  టీపీసీసీ చీఫ్ ఉత్తమ్‌కుమార్  రెడ్డి  విమర్శించారు

హైదరాబాద్: ఆంధ్రా పాలకుల కంటే  కేసీఆర్ కుటుంబమే ఎక్కువ దోచుకొందని  టీపీసీసీ చీఫ్ ఉత్తమ్‌కుమార్  రెడ్డి  విమర్శించారు. మంగళవారం నాడు  పలువురు విద్యార్థులు ఉత్తమ్ సమక్షంలో కాంగ్రెస్ పార్టీలో చేరారు.

తెలంగాణ ఉద్యమంలో విద్యార్థుల పాత్ర కీలకమైందన్నారు. తెలంగాణ ఉద్యమంలో కీలకంగా వ్యవహరించిన విద్యార్థులను కేసీఆర్, కేటీఆర్ మోసం చేశారని చెప్పారు.  మోసపు మాటలతో  కేసీఆర్  విద్యార్థులను మోసం చేస్తున్నారని ఆయన  చెప్పారు.

తమ పబ్బం గడుపుకొనేందుకు  కేసీఆర్, కేటీఆర్‌లు  అబద్దాలు ఆడుతున్నారన్నారు.  తెలంగాణలో టీఆర్ఎస్ పాలన పట్ల ప్రజలు విసుగు చెందారని... ఎన్నికల్లో ఆ పార్టీకి బుద్ది చెప్పేందుకు  సిద్దంగా ఉన్నారని ఆయన  అభిప్రాయపడ్డారు.

తెలంగాణలో కాంగ్రెస్ పార్టీ ప్రభుత్వం ఏర్పాటు కాగానే ఏడాదిలోనే  లక్ష ప్రభుత్వ ఉద్యోగాలను భర్తీ చేస్తామని  ఆయన హామీ ఇచ్చారు. ఈ లక్ష ఉద్యోగాల్లో  20 వేల ఉద్యోగాలను మెగా డీఎస్సీ ద్వారా భర్తీ చేస్తామని విద్యార్థులకు భరోసా ఇచ్చారు.  ప్రభుత్వ రంగంలో లక్ష ఉద్యోగాలతో పాటు  ప్రైవేట్ రంగంలో కూడ మరో లక్ష ఉద్యోగాలను కూడ భర్తీ చేస్తామని  ఉత్తమ్ ప్రకటించారు.

సంబంధిత వార్తలు