శిఖా చౌదరిది క్రిమినల్ మైండ్: జయరామ్ భార్య పద్మశ్రీ

శిఖా చౌదరిది క్రిమినల్ మైండ్‌ అంటూ ప్రముఖ పారిశ్రామిక వేత్త జయరామ్ సతీమణి పద్మశ్రీ చెప్పారు. తన భర్త బంధువుల నుండే ప్రమాదం ఉందని ఆమె ఆరోపించారు

హైదరాబాద్:శిఖా చౌదరిది క్రిమినల్ మైండ్‌ అంటూ ప్రముఖ పారిశ్రామిక వేత్త జయరామ్ సతీమణి పద్మశ్రీ చెప్పారు. తన భర్త బంధువుల నుండే ప్రమాదం ఉందని ఆమె ఆరోపించారు. తనకు ప్రాణహాని ఉందని 2016 నుంచి తన భర్త చెబుతూ వచ్చాడని, తన అక్క నుంచే ఆ ప్రాణహాని ఉందని చెప్పేవాడని ఆమె అన్నారు. సమావేశాల కోసమే జయరాం ఇండియాకు వచ్చారని ఆమె అన్నారు.

సోమవారం నాడు  జయరామ్ భార్య పద్మశ్రీ ఓ తెలుగు న్యూస్ ఛానెల్‌తో మాట్లాడారు.తన భర్తకు మొదటి భార్య నుండి ఎలాంటి ఇబ్బందులు లేవన్నారు. కానీ, 2015 నుండి జయరామ్ అనేక ఇబ్బందులను ఎదుర్కొన్నట్టుగా ఆమె చెప్పారు.

తన భర్త బంధువుల నుండే ప్రమాదం ఉందని ఆమె ఆరోపించారు.  శిఖా చౌదరిది క్రిమినల్ మైండ్ అంటూ ఆమె సంచలన ఆరోపణలు చేశారు.  మొదటి నుండి ఆమె అలానే వ్యవహరించేదన్నారు.

ఎక్స్‌ప్రెస్ టీవీ చానెల్‌లోకి వచ్చిన తర్వాత కూడ ఆమె ప్రవర్తనలో ఎలాంటి మార్పు రాలేదన్నారు. దీంతో ఆమెను చానెల్‌ నుండి తప్పించారని పద్మశ్రీ ఆరోపణలు చేశారు.పద్మశ్రీ మీడియాతో మాట్లాడే సమయంలో  ఆమె బంధువులు ఆమెను  మీడియాతో మాట్లాడకుండా అడ్డుకొనే ప్రయత్నం చేశారు.

సంబంధిత వార్తలు