ఆందోళన వద్దు: ఇంటర్ విద్యార్థులకు జనార్ధన్ రెడ్డి విజ్ఞప్తి

ఇంటర్ పరీక్షల్లో అవకతవకలు చోటు చేసుకొన్నాయనే ప్రచారం సాగుతున్న తరుణంలో  ఇంటర్ బోర్డు సెక్రటరీ  జనార్ధన్ రెడ్డి  రాష్ట్ర ప్రభుత్వ ప్రధాన కార్యదర్శి ఎస్‌కె జోషీతో మంగళవారం నాడు సచివాలయంలో  సమావేశమయ్యారు.

హైదరాబాద్: ఇంటర్ పరీక్షల్లో అవకతవకలు చోటు చేసుకొన్నాయనే ప్రచారం సాగుతున్న తరుణంలో  ఇంటర్ బోర్డు సెక్రటరీ  జనార్ధన్ రెడ్డి  రాష్ట్ర ప్రభుత్వ ప్రధాన కార్యదర్శి ఎస్‌కె జోషీతో మంగళవారం నాడు సచివాలయంలో  సమావేశమయ్యారు.

ఇంటర్ పరీక్షల్లో అనేక అవకతవకలు చోటు చేసుకొన్నాయనే ఆరోపణలు వెల్లువెత్తుతున్నాయి.ఈ తరుణంలో  ఇంటర్ బోర్డు సెక్రటరీ జనార్ధన్ రెడ్డి  సమావేశం కావడం ప్రాధాన్యతను సంతరించుకొంది.

ఈ సందర్భంగా  ఆయన మీడియాతో  మాట్లాడారు. ఇంటర్ బోర్డులో  చోటు చేసుకొన్న పరిణామాలపై  సీఎస్‌తో చర్చించినట్టుగా  ఆయన చెప్పారు.విద్యార్థులు ఎవరూ కూడ ఆందోళన చెందకూడదని ఆయన చెప్పారు. రీ వెరిఫికేషన్‌ రూ. 600, రీ కౌంటింగ్‌కు రూ. 100 చెల్లించి అనుమానాలను నివృత్తి చేసుకోవాలని ఆయన సూచించారు.

సాఫ్ట్‌వేర్‌పై వస్తున్న ఆరోపణలపై  విచారణ సాగుతోందన్నారు. రాష్ట్ర ప్రభుత్వం ఏర్పాటు చేసిన నిపుణుల కమిటీ నివేదిక వచ్చిన తర్వాత దోషులపై కఠిన చర్యలు తీసుకొంటామని ఆయన ప్రకటించారు. విద్యార్థులు ఎవరూ కూడ ఆత్మహత్యకు పాల్పడకూడదని ఆయన కోరారు.

సంబంధిత వార్తలు