సీపీఐ జాబితా విడుదల, ముగ్గురు అభ్యర్థుల ప్రకటన

సీపీఐ పార్టీ అభ్యర్థులను ఎట్టకేలకు ప్రకటించింది. మహాకూటమిలో పొత్తులో భాగంగా మూడు సీట్లకు ఒప్పందం కుదుర్చుకున్న సీపీఐ మూడు నియోజకవర్గాలకు అభ్యర్థులను ప్రకటించింది. హుస్నాబాద్ నియోజకవర్గం అభ్యర్థిగా చాడ వెంకటరెడ్డి,  బెల్లంపల్లి నియోజకవర్గం అభ్యర్థిగా గుండా మల్లేష్, వైరా నియోజకవర్గ అభ్యర్థిగా బానోతు విజయభాయ్ లను ప్రకటించింది. 

హైదరాబాద్: సీపీఐ పార్టీ అభ్యర్థులను ఎట్టకేలకు ప్రకటించింది. మహాకూటమిలో పొత్తులో భాగంగా మూడు సీట్లకు ఒప్పందం కుదుర్చుకున్న సీపీఐ మూడు నియోజకవర్గాలకు అభ్యర్థులను ప్రకటించింది. హుస్నాబాద్ నియోజకవర్గం అభ్యర్థిగా చాడ వెంకటరెడ్డి,  బెల్లంపల్లి నియోజకవర్గం అభ్యర్థిగా గుండా మల్లేష్, వైరా నియోజకవర్గ అభ్యర్థిగా బానోతు విజయభాయ్ లను ప్రకటించింది. 

సీపీఐ రాష్ట్ర కార్యాలయంలో ఆపార్టీ రాష్ట్ర సహాయక కార్యదర్శి పల్లా వెంకట్ రెడ్డి అభ్యర్థుల జాబితాను విడుదల చేశారు. మహాకూటమి పొత్తులో భాగంగా ఐదు సీట్లు కావాలంటూ సీపీఐ పట్టుబట్టింది. ఆఖరికి నాలుగు స్థానాలు అయినా ఒకే అని ప్రకటించింది.  అయితే సీట్ల సర్ధుబాటు ఎప్పటికీ తేలకపోవడంతో సీపీఐ జాతీయ నాయకత్వం రంగంలోకి దిగింది. కాంగ్రెస్ అధిష్టానంతో సమావేశమైన సీపీఐ జాతీయ నాయకత్వం మూడు అసెంబ్లీ, రెండు ఎమ్మెల్సీ స్థానాలకు ఒప్పందం కుదుర్చుకున్నారు. 

ఒప్పందంలో భాగంగా రాష్ట్ర నాయకత్వం మూడు నియోజకవర్గాలకు సంబంధించి అభ్యర్థులను ప్రకటించింది. రాష్ట్ర కార్యదర్శి చాడ వెంకట్ రెడ్డి హుస్నాబాద్ నియోజకవర్గం నుంచి బరిలోకి దిగనున్నారు. రెండు రోజుల్లో ఈ నేతలు నామినేషన్ దాఖలు చేయనున్నారు.   

ఈ వార్తలు కూడా చదవండి