'మీటూ'పై నడిగర్ సంఘం యాక్షన్!

దేశ వ్యాప్తంగా 'మీటూ' ఉద్యమం ప్రకంపనలు రేపుతోంది. సినీ, రాజకీయ ప్రముఖులపై మహిళలు చేస్తోన్న లైంగిక ఆరోపణలు వివాదాలు సృష్టిస్తున్నాయి. దీంతో లింగబేధం లేకుండా సినీ తారల తరఫున నడిగర్ సంఘం ఓ ప్రకటన చేసింది. సింగర్ చిన్మయి, సాహిత్య రచయిత వైరముత్తుపై లైంగిక ఆరోపణలు చేయడంతో పాటు ఆయనపై కేసు పెట్టడానికి సిద్ధమవుతోంది. 

చాలా మంది మహిళా నటీమణులు, దర్శకులు చిన్మయికి మద్దతుగా నిలుస్తున్నాయి. తాజాగా నటుడు అర్జున్ పై హీరోయిన్ శ్రుతి హరిహరన్ చేసిన  కామెంట్స్ ఆశ్చర్యానికి గురి చేశాయి. సెట్ లో తనతో అసభ్యంగా ప్రవర్తించాడని, విందుకి ఆహ్వానించారని ఆమె చేసి వ్యాఖ్యలు కోలీవుడ్ లో హాట్ టాపిక్ గా మారాయి. అయితే ఇందులో నిజం లేదని అర్జున్ ఖండించడంతో పాటు ఆమెపై పరువునష్టం దావా వేయడానికి సిద్ధపడుతున్నాడు.

రోజురోజుకి ఇటువంటి లైంగిక ఆరోపణలు ఎక్కువవుతుండడంతో నడిగర్ సంఘం రంగంలోకి దిగింది. 'మీటూ' ఆరోపణలకి సంబంధించి కొత్తగా పర్యవేక్షణ కమిటీని ఏర్పాటు చేయనున్నట్లు నడిగర్ సంఘం ప్రధాన కార్యదర్శి విశాల్ కొన్ని  రోజుల క్రితమే ప్రకటించారు. ఆ ప్రకారం నడిగర్ సంఘం, నిర్మాతల మండలి, ఫెఫ్సీ సభ్యులతో కూడిన ఒక కమిటీ కూడా ఏర్పాటైంది.

తాజాగా దక్షిణ భారత నడిగర్ సంఘం కూడా ఇదే తరహా కమిటీని ఏర్పాటు చేయనున్నట్లు ప్రకటించింది. ఈ మేరకు సంఘం తరఫున అధ్యక్షుడు నాజర్, ప్రధాన కార్యదర్శి విశాల్, కోశాధికారి కార్తి విడుదల చేసిన ప్రకటనలో సినిమా చిత్రీకరణ లేదా నాటకం ప్రదర్శించే ప్రదేశాల్లో లింగబేధం లేకుండా కళాకారులందరికీ మానసిక ఒత్తిడి, బెదిరింపులకు తావివ్వకుండా రక్షణ కల్పించడానికి చర్యలు తీసుకుంటున్నట్లు దీనికోసం ప్రత్యేక కమిటీని ఏర్పాటు చేస్తున్నట్లు వెల్లడించారు.  

ఇవి కూడా చదవండి..