విజయ్ దేవరకొండ చేసిన పనితో టీమ్ అప్సెట్!

టాలీవుడ్ లో విజయ్ దేవరకొండ తనకంటూ ప్రత్యేకమైన స్థానాన్ని దక్కించుకున్నాడు. మధ్యలో 'నోటా' తో ఫ్లాప్ వచ్చినా.. వెంటనే 'టాక్సీవాలా'తో హిట్ అందుకొని దూసుకుపోతున్నాడు. సినిమాకి అన్ని చోట్ల నుండి పాజిటివ్ రెస్పాన్స్ రావడంతో చిత్రబృందం తాజాగా ఓ ప్రెస్ మీట్ ని నిర్వహించింది.

ఈ వేడుకకి 'టాక్సీవాలా' టీమ్ తో పాటు అల్లు అరవింద్, దర్శకుడు మారుతి కూడా వచ్చారు. ఈ క్రమంలో ఫోటోలను ఫోజులిచ్చే సమయంలో విజయ్ దేవరకొండ తన పక్కనే ఉన్న అల్లు అరవింద్ భుజాలపై చేయి వేసి నిలబడ్డాడు. ఈ ఫోటో కూడా బయటకి వచ్చింది.

అయితే విజయ్ అలా ఓ సీనియర్ ప్రొడ్యూసర్ ఇండస్ట్రీలో ఎంతో పేరున్న వ్యక్తి విషయంలో అలా ప్రవర్తించడం చిత్రబృందంతో పాటు అక్కడున్న వారెవరికీ నచ్చలేదట. దీంతో ఈ విషయాన్ని విజయ్ వద్ద ప్రస్తావించారట.

తనకు అల్లు అరవింద్ గారిని తక్కువ చేసే ఉద్దేశం లేదని, తన తండ్రిగా భావించి ఆయనపై అభిమానంతో చేయి వేశానని వాళ్లకి సర్ది చెప్పారట విజయ్ దేవరకొండ. కానీ సోషల్ మీడియాలో మాత్రం దీనికి సంబంధించి విజయ్ పై సెటైర్లు వేస్తున్నారు. 

ఇవి కూడా చదవండి..