టీడీపీ అండగా లేకపోవడం వల్లే కోడెల కుంగిపోయారు: శ్రీకాంత్ రెడ్డి

కోడెల మృతిపై టీడీపీ నేతలు పలు రకాలుగా మాటమార్చారని.. పార్టీ అండగా లేకపోవడం వల్లే శివప్రసాద్ రావు మానసికంగా కుంగిపోయారని శ్రీకాంత్ రెడ్డి ఆరోపించారు. 

టీడీపీ సీనియర్ నేత, మాజీ అసెంబ్లీ స్పీకర్ కోడెల శివప్రసాద్ రావు మరణం నేపథ్యంలో వైసీపీ నేత శ్రీకాంత్ రెడ్డి మరోసారి స్పందించారు. రాష్ట్రంలో వేధింపులు, రాజకీయ హత్యలన్నీ చంద్రబాబు సీఎంగా ఉన్న సమయంలోనే జరిగాయంటూ ఎద్దేవా చేశారు.

పోలీస్ వ్యవస్థను టీడీపీ సొంత జేబు సంస్థగా మార్చుకుందంటూ మండిపడ్డారు. వైసీపీ వేధింపుల వల్లే కోడెల చనిపోయారన్న వార్తలను ఆయన ఖండించారు.

ప్రజలను రెచ్చగొట్టి శాంతిభద్రతలకు విఘాతం కలిగించాలని తెలుగుదేశం నేతలు చూస్తున్నారని.. బాబు ప్రవర్తనను అంతా గమనిస్తున్నారని శ్రీకాంత్ రెడ్డి మండిపడ్డారు.

కోడెల మృతిపై టీడీపీ నేతలు పలు రకాలుగా మాటమార్చారని.. పార్టీ అండగా లేకపోవడం వల్లే శివప్రసాద్ రావు మానసికంగా కుంగిపోయారని శ్రీకాంత్ రెడ్డి ఆరోపించారు.