విజయవాడ చేరుకున్న కోడెల శివరాం: గుంటూరు తీసుకెళ్లిన బంధువులు

కెన్యా నుంచి తెల్లవారు జామున ముంబై చేరుకున్నారు. అక్కడ నుంచి నేరుగా విజయవాడ గన్నవరం విమానాశ్రయం చేరుకున్నారు. గన్నవరం ఎయిర్ పోర్ట్ లో కుటుంబ సభ్యులు కోడెల శివరాం ను రిసీవ్ చేసుకున్నారు. ఆయనను ఓదార్చారు. 

విజయవాడ: టీడీపీ సీనియర్ నేత, మాజీ స్పీకర్ కోడెల శివప్రసాదరావు తనయుడు కోడెల శివరామకృష్ణ గన్నవరం ఎయిర్‌పోర్టుకు చేరుకున్నారు. కెన్యాలో ఉన్న శివరాం తన తండ్రి మరణ వార్త తెలుసుకుని హుటాహుటిన బయలు దేరారు. 

కెన్యా నుంచి తెల్లవారు జామున ముంబై చేరుకున్నారు. అక్కడ నుంచి నేరుగా విజయవాడ గన్నవరం విమానాశ్రయం చేరుకున్నారు. గన్నవరం ఎయిర్ పోర్ట్ లో కుటుంబ సభ్యులు కోడెల శివరాం ను రిసీవ్ చేసుకున్నారు. ఆయనను ఓదార్చారు. 

గన్నవరం ఎయిర్ పోర్ట్ నుంచి కుటుంబ సభ్యులు శివరాం ను గుంటూరుకు తీసుకెళ్లారు. ఇకపోతే కోడెల భౌతికకాయాన్ని గుంటూరుకు తరలించారు. గుంటూరులోని రాష్ట్ర పార్టీ కార్యాలయంలో అభిమానుల సందర్శనార్థం ఆయన పార్థీవ దేహాన్ని ఉంచనున్నారు. 

సాయంత్రం 6 గంటల తర్వాత కోడెల భౌతికదేహాన్ని నరసరావుపేటకు తరలించనున్నట్లు తెలుస్తోంది. నరసరావుపేటలో ఆయన అంత్యక్రియలు నిర్వహించనున్నట్లు సమాచారం. ఇకపోతే సోమవారం తన నివాసంలో కోడెల శివప్రసాదరావు ఆత్మహత్యకు పాల్పడిన విషయం తెలిసిందే. 

ఈ వార్తలు కూడా చదవండి