థర్డ్ పార్టీ విచారణకు శరద్ పవార్, శరద్ యాదవ్ ల మద్దతు

వైసీపీ అధినేత, ఏపీ ప్రతిపక్ష నేత వైఎస్‌ జగన్‌మోహన్‌ రెడ్డిపై విశాఖ ఎయిర్‌పోర్టులో హత్యాయత్నం ఘటనను జాతీయ పార్టీల దృష్టికి తీసుకెళ్లారు వైసీపీ నేతలు. రాష్ట్రంలో ప్రతిపక్ష నేతపై దాడి, దాడి అనంతరం చోటు చేసుకున్న పరిణామాలపై కేంద్రంలోని పెద్దలకు వివరిస్తున్నారు. 

ఢిల్లీ: వైసీపీ అధినేత, ఏపీ ప్రతిపక్ష నేత వైఎస్‌ జగన్‌మోహన్‌ రెడ్డిపై విశాఖ ఎయిర్‌పోర్టులో హత్యాయత్నం ఘటనను జాతీయ పార్టీల దృష్టికి తీసుకెళ్లారు వైసీపీ నేతలు. రాష్ట్రంలో ప్రతిపక్ష నేతపై దాడి, దాడి అనంతరం చోటు చేసుకున్న పరిణామాలపై కేంద్రంలోని పెద్దలకు వివరిస్తున్నారు. 

జగన్ పై దాడి కేసులో రాష్ట్రప్రభుత్వం నేతృత్వంలో జరుపుతున్న దర్యాప్తుపై తమకు నమ్మకం లేదని థర్డ్ పార్టీ విచారణ జరిపించాలని కోరుతూ కేంద్ర హోంశాఖ మంత్రి రాజ్ నాథ్ సింగ్ ను కలిశారు. డీజీపీ ఏర్పాటు చేసిన సిట్‌ నిష్పక్షపాతంగా వ్యవహరిస్తుందనే నమ్మకం లేదని థర్డ్‌ పార్టీ విచారణ జరిపించాలని కోరారు. దాడి జరిగిన ప్రదేశం కేంద్రప్రభుత్వ ఆధీనంలో ఉందన్న సీఎం చంద్రబాబు వ్యాఖ్యలను రాజ్ నాథ్ సింగ్ దృష్టికి తీసుకు వెళ్లారు. కేంద్రం ఏం చేయగలదో అది చేస్తామని రాజ్ నాథ్ సింగ్ హామీ ఇచ్చారు. 

బుధవారం సీపీఎం ప్రధాన కార్యదర్శి సీతారాం ఏచూరిని కలిశారు. వైఎస్ జగన్ పై హత్యాయత్నం ఘటన వివరాలు, రాష్ట్రప్రభుత్వం వ్యవహరిస్తున్న తీరును, కేసును పక్కదారి పట్టించేందుకు ప్రభుత్వం కుట్రపన్నుతుందని ఏచూరికి వివరించారు. 

అనంతరం ఎన్సీపీ అధినేత శరద్ పవార్, ఎల్ జేడీ పార్టీ అధ్యక్షుడు శరద్ యాదవ్ లను కలిశారు. జగన్ పై దాడి విషయాన్ని నేతల దృష్టికి తీసుకువెళ్లారు నేతలు. జగన్ పై దాడి ఘటనకు సంబంధించి న్యాయవిచారణ లేదా థర్డ్ పార్టీ విచారణ జరిపించాలని కోరారు. దీంతో థర్డ్ పార్టీ విచారణకు శరద్ పవార్, శరద్ యాదవ్ లు మద్దతు ప్రకటించారు. 

ఈ వార్తలు కూడా చదవండి