చేతులెత్తి మెుక్కినా వేధించడం దుర్మార్గం: మంత్రి కొడాలి నానికి డొక్కా కౌంటర్

కోడెల మృతిపై రాజకీయాలు చేయడం ఇకనైనా మానుకోవాలని సూచించారు. కోడెలకు స్పీకర్ పదవి ఇచ్చి చంద్రబాబు అవమానించారంటూ కొడాలి నాని చేసిన వ్యాఖ్యలపై మండిపడ్డారు. స్పీకర్‌ పదవి అంటే మీకు అంత చులకనా? అంటూ నిలదీశారు.   

గుంటూరు: టీడీపీ సీనియర్ నేత, మాజీ అసెంబ్లీ స్పీకర్ కోడెల శివప్రసాదరావు ఆత్మహత్యపై ఏపీమంత్రి కొడాలి నాని చేసిన వ్యాఖ్యలపై ఆగ్రహం వ్యక్తం చేశారు మాజీమంత్రి డొక్కా మాణిక్య వరప్రసాద్. కోడెల మృతిపై దుష్ప్రచారం చేయడం తగదని హితవు పలికారు. 

కోడెల మృతిపై రాజకీయాలు చేయడం ఇకనైనా మానుకోవాలని సూచించారు. కోడెలకు స్పీకర్ పదవి ఇచ్చి చంద్రబాబు అవమానించారంటూ కొడాలి నాని చేసిన వ్యాఖ్యలపై మండిపడ్డారు. స్పీకర్‌ పదవి అంటే మీకు అంత చులకనా? అంటూ నిలదీశారు. 

కోడెలకు స్పీకర్ పదవి ఇవ్వడం అవమానించడమా? అని నిలదీశారు డొక్కా మాణిక్య వరప్రసాద్. స్పీకర్ పదవి చాలా ఔన్నత్యమైనదని కూడా తెలియదా అంటూ నిలదీశారు. అలా అయితే తమ్మినేని సీతారాంకు స్పీకర్ పదవి ఇవ్వడం అవమానించడమేనా అంటూ కొడాలి నానిని  నిలదీశారు. 

తమ ప్రశ్నలకు కొడాలి నాని ఏం సమాధానం చెప్తారని నిలదీశారు. స్పీకర్‌ పదవిని చులకన చేసి మాట్లాడిన కొడాలి నాని వ్యాఖ్యలను ఖండిస్తున్నట్లు తెలిపారు. అసెంబ్లీ ఫర్నీచర్ కేసు కోడెలను ఎంతో కృంగదీసిందని ఆరోపించారు. 

కోడెల కుటుంబ సభ్యులు చేతులెత్తి మొక్కినా వేధించటం దుర్మార్గమంటూ అభిప్రాయపడ్డారు. వైసీపీ ప్రభుత్వ మానసిక వేధింపుల వల్లే కోడెల చనిపోయారని డొక్కా మాణిక్య వరప్రసాద్ ఆరోపించారు. 

ఇకపోతే కోడెలకు ఇబ్బందులెదురైతే చంద్రబాబు పట్టించుకోలేదని మీడియా సమావేశంలో కొడాలి నాని ఆరోపించారు. వైసీపీ నుంచి 23మంది ఎమ్మెల్యేలు టీడీపీలో చేరితే అనర్హత వేటు వేయకుండా చంద్రబాబు కోడెలపై ఒత్తిడి తెచ్చారని ఆరోపించారు. చంద్రబాబుకు ఇంత చేసినా తనను పట్టించుకోలేదని కోడెల మనస్తాపం చెంది ఆత్మహత్యకు పాల్పడ్డారని కొడాలి నాని ఆరోపించిన సంగతి తెలిసిందే. 

ఈ వార్తలు కూడా చదవండి