శిఖా చౌదరి ఫొటో లీక్: కానిస్టేబుళ్లపై ఎస్పీ మండిపాటు

మీడియాకు సమాచారం ఇచ్చారనే ఆరోపణపై కంచికచర్ల కానిస్టేబుల్ లక్ష్మినారాయణను విఆర్ మీద పంపించారు. మరో ఐదుగురు కానిస్టేబుళ్లపై అనుమానాలు వ్యక్తం చేస్తున్నారు. వారిపై ఎస్పీ విచారణకు ఆదేశించారు.

నందిగామ: ఎన్నారై పారిశ్రామికవేత్త చిగురుపాటి జయరాం హత్య కేసు విచారణకు సంబంధించిన సమాచారాన్ని మీడియాకు అందజేస్తున్నారంటూ ఎస్పీ త్రిపాఠీ కంచికచర్ల కానిస్టేబుళ్లపై మండిపడుతున్నారు. మీడియాకు సమాచారం ఇస్తే ఉద్యోగాలు పోతాయని ఆయన వారిని హెచ్చరించారు. 

మీడియాకు సమాచారం ఇచ్చారనే ఆరోపణపై కంచికచర్ల కానిస్టేబుల్ లక్ష్మినారాయణను విఆర్ మీద పంపించారు. మరో ఐదుగురు కానిస్టేబుళ్లపై అనుమానాలు వ్యక్తం చేస్తున్నారు. వారిపై ఎస్పీ విచారణకు ఆదేశించారు. విచారాణాధికారిగా కంచికచర్ల ఎస్ఐ సతీష్ ను నియమించారు. 

కానిస్టేబుళ్ల ఫోన్లను స్వాధీనం చేసుకుని కాల్ డేటాను, వాట్సప్ సమాచారాలను సేకరిస్తున్నారు. జయరాం మేనకోడలు శిఖా చౌదరి తమ అదుపులో లేదని చెబుతుంటే ఆమెను విచారిస్తున్న ఫొటోను మీడియాకు లీక్ చేశారని ఎస్పీ కానిస్టేబుళ్లపై మండిపడ్డారు. 

సంబంధిత వార్తలు