శిఖా కారు నేనే తెచ్చా, నేనే తీసికెళ్లా: కబాలీ సినిమా నిర్మాత

తాను కారులో తీసుకుని వచ్చానని, శిఖా చౌదరిని చూడడానికి పోలీసు స్టేషన్ కు వచ్చానని, అయితే పోలీసులు అనుమతించలేదని కెపి చౌదరి చెప్పారు. దాంతో తాను తీసుకుని వచ్చిన కారులోనే తాను వెళ్లిపోయానని ఆయన చెప్పారు. 

నందిగామ: హత్యకు గురైన ఎన్నారై పారిశ్రామికవేత్త చిగురుపాటి జయరాం మేనకోడలు కారును తనకు పోలీసులు అప్పగించారనే వార్తలపై కబాలీ సినిమా నిర్మాత కెపి చౌదరి మండిపడ్డారు. అది శిఖా చౌదరికి చెందినకారేనని అంగీకరిస్తూ ఆ కారును తానే తెచ్చానని, తానే తీసుకుని వెళ్లానని ఆయన చెప్పారు.

తాను కారులో తీసుకుని వచ్చానని, శిఖా చౌదరిని చూడడానికి పోలీసు స్టేషన్ కు వచ్చానని, అయితే పోలీసులు అనుమతించలేదని కెపి చౌదరి చెప్పారు. దాంతో తాను తీసుకుని వచ్చిన కారులోనే తాను వెళ్లిపోయానని ఆయన చెప్పారు. తన ఊరు ఇక్కడికి సమీపంలోనే ఉంటుందని, విషయం తెలియడంతో తాను వచ్చానని ఆయన చెప్పారు.

శిఖా చౌదరి తనకు వరుసకు చెల్లెలు అవుతుందని, ఆమెకు జయరాం హత్యతో ఏ విధమైన సంబంధం లేదని ఆయన అన్నారు. రాకేష్ రెడ్డి గానీ మిగతా వాళ్లు గానీ తనకు తెలియదని ఆయన ఓ టీవీ చానెల్ ప్రతినిధితో చెప్పారు. శిఖా చౌదరిని పోలీసులు వదిలేస్తే తానే తీసుకుని వెళ్తానని కూడా ఆయన చెప్పారు. 

శిఖా చౌదరి కారును పోలీసులు కబాలీ నిర్మాత కెపి చౌదరికి అప్పగించారంటూ వార్తలు వచ్చిన విషయం తెలిసిందే. అందులో నిజం లేదని ఆయన అంటున్నారు.

సంబంధిత వార్తలు