అరకు ఘటన: ఆ ఇద్దరే మావోలకు సమాచారమిచ్చారా?

అరకు ఎమ్మెల్యే కిడారి  సర్వేశ్వరరావును మావోయిస్టులు హత్య చేయడం వెనుక కీలకంగా వ్యవహారించారనే అనుమానంతో ఇద్దరిని  పోలీసులు అదుపులోకి తీసుకొన్నారు

అరకు: అరకు ఎమ్మెల్యే కిడారి  సర్వేశ్వరరావును మావోయిస్టులు హత్య చేయడం వెనుక కీలకంగా వ్యవహారించారనే అనుమానంతో ఇద్దరిని  పోలీసులు అదుపులోకి తీసుకొన్నారు. కిడారికి సన్నిహితులుగా ఉన్న వీదిర్దరిని పోలీసులు  ప్రశ్నిస్తున్నారు.

సెప్టెంబర్ 23వ తేదీన అరకు ఎమ్మెల్యే కిడారి సర్వేశ్వరరావును , మాజీ ఎమ్మెల్యే సివిరి సోమలను  మావోయిస్టులు  లివిటిపుట్టు వద్ద కాల్చిచంపారు.  ఈ ఘటనకు సంబంధించి పోలీసులు విచారణ చేస్తున్నారు.

ఈ మేరకు పోలీసు ఉన్నతాధికారులు ఫకీరయ్య నేతృత్వంలో ఓ కమిటీని ఏర్పాటు చేశారు. ఈ కమిటీ ఈ ఘటనపై విచారణ చేస్తోంది. ఎమ్మెల్యే కిడారి సర్వేశ్వరరావుకు  సన్నిహితులుగా ఉన్న ఇద్దరిని  పోలీసులు అదుపులోకి తీసుకొని విచారిస్తున్నారు.

ఎమ్మెల్యే సర్వేశ్వరరావును  ట్రాప్‌ చేసి మావోలు హత్య చేశారని పోలీసులు  అనుమానిస్తున్నారు. కిడారి కదలికలను ఎప్పటికప్పుడు మావోలకు  చేరవేసిన వారిలో ఇద్దరిని పోలీసులు కీలకంగా గుర్తించారు. 

ఎమ్మెల్యేతో పాటు మాజీ ఎమ్మెల్యేను హత్య  చేసిన తర్వాత కూడ  మావోలు ఇదే ప్రాంతంలో ఉన్నారని కూడ పోలీసులు అనుమానంతో ఉన్నారు. సర్వేశ్వరరావు, మాజీ ఎమ్మెల్యే సోమను హత్య చేసిన వారిలో ఎక్కువమంది  ఒడిసా, ఛత్తీస్‌గఢ్‌ నుంచి వచ్చినవారే. ఎక్కువమంది గోండు జాతి మహిళలున్నారు. ముందుగానే వచ్చి లివిటిపుట్టులో రెక్కీ నిర్వహించారని పోలీసులు చెబుతున్నారు.

సంబంధిత వార్తలు