పవన్ వ్యాఖ్యలపై కిడారి భార్య మౌనదీక్ష

మావోయిస్టులకు అనుకూలంగా జనసేన అధినేత పవన్ కళ్యాణ్ వ్యాఖ్యల చేశారని ఆరోపిస్తూ అరకు ఎమ్మెల్యే దివంగత కిడారి సర్వేశ్వరరావు సతీమణి  పరమేశ్వరి మౌన దీక్షకు దిగారు. పవన్ తన వ్యాఖ్యలు ఉపసంహరించుకోవాలని డిమాండ్ చేస్తూ విశాఖపట్నంలోని జీవీఎంసీ గాంధీ విగ్రహం వద్ద పరమేశ్వరి మౌన దీక్ష చేపట్టారు. 

విశాఖపట్నం: మావోయిస్టులకు అనుకూలంగా జనసేన అధినేత పవన్ కళ్యాణ్ వ్యాఖ్యల చేశారని ఆరోపిస్తూ అరకు ఎమ్మెల్యే దివంగత కిడారి సర్వేశ్వరరావు సతీమణి  పరమేశ్వరి మౌన దీక్షకు దిగారు. పవన్ తన వ్యాఖ్యలు ఉపసంహరించుకోవాలని డిమాండ్ చేస్తూ విశాఖపట్నంలోని జీవీఎంసీ గాంధీ విగ్రహం వద్ద పరమేశ్వరి మౌన దీక్ష చేపట్టారు. పరమేశ్వరి మౌన దీక్షకు ఏపీఈపీడీసీఎల్ డైరెక్టర్ టీడీపీ సీనియర్ నేత శోభా హైమావతి, తెలుగుదేశం పార్టీ మహిళా కార్యకర్తలు సంఘీభావం ప్రకటించారు.

రాజమహేంద్రవరంలో జనసేన కవాతులో పవన్ వ్యాఖ్యలు తమ కుటుంబాలను ఎంతో బాధించాయని మాజీ ఎమ్మెల్యే సివేరి సోమ భార్య ఇందు ఆరోపించారు. మావోయిస్టు నేత మీనాదే ప్రాణమా?..కిడారి సర్వేశ్వరరావు, సివేరి సోమలవి ప్రాణాలు కావా? అని ప్రశ్నించారు. నిజాయితీ గల నేతలు చనిపోతే విమర్శించడం తగదని ఇందు  హితవు పలికారు. పవన్ కళ్యాణ్ శవ రాజకీయాలు మానుకోవాలని హెచ్చరించారు. తమ కుటుంబాలకు పవన్ కళ్యాణ్ క్షమాపణలు చెప్పాలని డిమాండ్ చేశారు. 

ధవళేశ్వరంలోని బ్యారేజ్ వద్ద పవన్ సమాజంలోని ఆర్థిక అసమానతలపై కొన్ని కీలక వ్యాఖ్యలు చేశారు. ఈ సందర్భంగా రాజకీయ నేతల అవినీతి వల్లే మావోయిస్టులు పుట్టుకొస్తున్నారని పవన్ అన్నారు.  గత నెల 23న గ్రామ దర్శిని కార్యక్రమానికి వెళ్తున్న అరకు ఎమ్మెల్యే కిడారి సర్వేశ్వరరావు, మాజీ ఎమ్మెల్యే సివేరి సోమలను  మావోయిస్టులు కాల్చిచంపారు.  

ఈ వార్తలు కూడా చదవండి