రివర్స్ టెండరింగ్ ఓ కుట్ర, సన్నిహితుల కోసమే ఆ డ్రామా: మాజీమంత్రి దేవినేని ఉమా

కేంద్రం గైడ్‌లైన్స్‌ను తుంగలో తొక్కి మరీ రివర్స్ టెండరింగ్ ను నిర్వహించారని ఆరోపించారు. జగన్ సన్నిహితుల కోసమే రివర్స్ టెండరింగ్ ప్రక్రియను తెరపైకి తెచ్చారని ఆరోపించారు. 

విజయవాడ: పోలవరం ప్రాజెక్టు రివర్స్ టెండరింగ్ అనేది ఒక కుట్ర అంటూ ఆరోపించారు మాజీ మంత్రి దేవినేని ఉమా మహేశ్వరరావు. వైసీపీ ప్రభుత్వం కుట్రలో భాగంగానే పోలవరం రివర్స్‌ టెండరింగ్‌ డ్రామా ఆడుతున్నారని ధ్వజమెత్తారు. 

కేంద్రం గైడ్‌లైన్స్‌ను తుంగలో తొక్కి మరీ రివర్స్ టెండరింగ్ ను నిర్వహించారని ఆరోపించారు. జగన్ సన్నిహితుల కోసమే రివర్స్ టెండరింగ్ ప్రక్రియను తెరపైకి తెచ్చారని ఆరోపించారు. రివర్స్‌ టెండరింగ్‌ డ్రామాను నడపడానికి గతంలో జీవో నెం.67 జారీ చేసిన విషయాన్ని గుర్తు చేశారు.  

ఒకటి కంటే ఎక్కువ సంస్థలు పాల్గొంటేనే రివర్స్‌ టెండరింగ్‌ ఉంటుందని జీవోలో స్పష్టంగా పేర్కొందని తెలిపారు. గత ప్రభుత్వంపై బురదజల్లాలని డ్యామ్‌ భద్రతను సీఎం జగన్‌ తాకట్టుపెట్టాడంటూ మండిపడ్డారు. కుట్రపూరిత రాజకీయాలతో కాంట్రాక్టర్లను లొంగదీసుకుంటున్నారని మాజీమంత్రి దేవినేని ఉమ ఆరోపించారు.  

ఈ వార్తలు కూడా చదవండి