జగన్ ఖాతాలో మరో విజయం: రివర్స్ టెండరింగ్ లో రూ.686 కోట్లు ఆదా

వ్యయ అంచనా రూ.4,987 కోట్లు కాగా మేఘా కంపెనీ రూ.4,358 కోట్లకు బిడ్ దాఖలు చేసింది. దాంతో మేఘా కంపెనీ ఈ టెండర్ ను దక్కించుకున్నట్లైంది. ఈ ప్రక్రియలో ఏపీ ప్రభుత్వానికి రూ.628 కోట్ల మేర ఆదా చేకూరునట్లైంది. 

అమరావతి: ఆంధ్రప్రదేశ్ ముఖ్యమంత్రి వైయస్ జగన్మోహన్ రెడ్డి తీసుకున్న రివర్స్ టెండరింగ్ ప్రక్రియ సత్ఫలితాలను ఇస్తోంది. వైయస్ జగన్ ఆశించినట్లుగానే పోలవరం ప్రాజెక్టు రివర్స్ టెండరింగ్ లో భారీగా డబ్బు ఆదా అవుతుంది. 

పోలవరం ప్రాజెక్టు లెఫ్ట్ కెనాల్ కనెక్టివిటీ 65వ ప్యాకేజీ పనులకు నిర్వహించిన రివర్స్ టెండర్లో ప్రభుత్వానికి రూ.58 కోట్లు ఆదాయం వచ్చినట్లైంది. తాజాగా మరోరివర్స్ టెండరింగ్ లో ఏకంగా రూ.628 కోట్లు ఆదా వచ్చింది. 

సోమవారం నిర్వహించిన పోలవరం హెడ్ వర్క్స్, జలవిద్యుత్ కేంద్రాలను కలిసి ప్రభుత్వం రివర్స్ టెండరింగ్ కు ఆహ్వానించింది. వ్యవయ అంచనా కంటే 12.60 శాతం కంటే తక్కువకు బిడ్ వేసిన మేఘా సంస్థ కాంట్రాక్ట్ ను దక్కించుకుంది. 

వ్యయ అంచనా రూ.4,987 కోట్లు కాగా మేఘా కంపెనీ రూ.4,358 కోట్లకు బిడ్ దాఖలు చేసింది. దాంతో మేఘా కంపెనీ ఈ టెండర్ ను దక్కించుకున్నట్లైంది. ఈ ప్రక్రియలో ఏపీ ప్రభుత్వానికి రూ.628 కోట్ల మేర ఆదా చేకూరునట్లైంది. 

ఇకపోతే దేశ చరిత్రలో ఎల్ 1 సంస్థ కోట్ చేసిన ధరను ప్రాథమిక వ్యయ అంచనాగా పరిగణలోకి తీసుకుని బిడ్ నిర్వహించింది ఏపీ ప్రభుత్వం. ఇకపోతే పోలవరం ప్రాజెక్టు రివర్స్ టెండరింగ్ లో భాగంగా ప్రస్తుత టెండర్ ను సీఎం వైయస్ జగన్ క్యాన్సిల్ చేశారు.  

అనంతరం సోమవారం రివర్స్ టెండరింగ్ లోభాగంగా టెండర్ కు ఆహ్వానించారు. ఇకపోతే టెండర్ రద్దు చేయడంపై నవయుగ కంపెనీ హైకోర్టును ఆశ్రయించింది. తమ పోలవరం జలవిద్యుత్ టెండర్ రద్దు చేయడంపై ప్రభుత్వ తీరును తప్పుబడుతూ హైకోర్టులో పిటీషన్ దాఖలు చేసింది. 

నవయుగ కంపెనీ పిటీషన్ ను విచారణకు స్వీకరించిన హైకోర్టు వచ్చే శుక్రవారానికి వాయిదా వేసింది. ఈ పరిణామాల నేపథ్యంలో కోర్టు వివాదం ముగిసిన తర్వాత మేఘా కంపెనీ తమ పనులు చేపట్టనుంది. ఈ రివర్స్ టెండరింగ్ ప్రక్రియలో భాగంగా ఇప్పటి వరకు రూ.686కోట్లు ప్రభుత్వానికి ఆదా అయ్యింది. 

ఈ వార్తలు కూడా చదవండి