సంక్షోభం కొత్త కాదు: సీనియర్ నేతలకు బాబు ఫోన్

పార్టీలో చోటు చేసుకొన్న పరిణామాలపై  టీడీపీ చీఫ్ చంద్రబాబునాయుడు స్పందించారు. పార్టీ నేతలతో చంద్రబాబునాయుడు ఫోన్‌లో సంప్రదింపులు జరిపారు. సంక్షోభాలు టీడీపీకి కొత్తకాదని చంద్రబాబునాయుడు స్పషం చేశారు. ఈ పరిణామాలతో అధైర్యపడొద్దని బాబు సూచించారు.

రాజ్యసభలో నలుగురు ఎంపీలు తమను ప్రత్యేక గ్రూపుగా గుర్తించాలని రాజ్యసభ చైర్మెన్‌కు లేఖ రాయాలని నిర్ణయం తీసుకొన్నారని ప్రచారం సాగుతున్న విషయమై బాబు స్పందించారు.

ఈ పరిణామాలపై చంద్రబాబునాయుడు పార్టీ నేతలతో ఫోన్‌లో మాట్లాడారు. ప్రత్యేక హోదా కోసం బీజేపీపై పోరాటం చేసినట్టుగా చంద్రబాబునాయుడు గుర్తు చేశారు.పార్టీకి సంక్షోభాలు కొత్త కాదని చంద్రబాబునాయుడు అభిప్రాయపడ్డారు. ఏపీలో తమ పార్టీకి చెందిన  ముఖ్య నేతలకు బీజేపీ గాలం వేయడాన్ని చంద్రబాబునాయుడు తీవ్రంగా ఖండించారు.

ఈ విషయమై పార్టీ నేతలతో బాబు చర్చించారు. ప్రత్యేక హోదా, రాష్ట్ర ప్రయోజనాల కోసమే బీజేపీపై పోరాటం చేసిన విషయాన్ని బాబు గుర్తు చేశారు. పార్టీలో చోటు చేసుకొన్న పరిణామాలపై ఎప్పటికప్పుడు పార్టీ సీనియర్లతో ఆయన సంప్రదింపులు జరుపుతున్నారు.పార్టీలో సంక్షోభంపై ఎప్పటికప్పుడు సమాచారం ఇవ్వాలని బాబు పార్టీ నేలకు సూచించారు. విదేశాల నుండే బాబు పార్టీ నేతలకు సూచనలు ఇచ్చారు.