అరకు ఘటనలో రాజకీయ ప్రమేయం..?: చంద్రబాబు అనుమానం

అరకులో మావోయిస్టుల హత్యాకాండ వెనుక రాజకీయ నేతల ప్రమేయం కూడా ఉందన్న అనుమానాలు కూడా వ్యక్తమవుతున్నాయని ఏపీ సీఎం చంద్రబాబు నాయుడు అభిప్రాయపడ్డారు. 

అమరావతి: అరకులో మావోయిస్టుల హత్యాకాండ వెనుక రాజకీయ నేతల ప్రమేయం కూడా ఉందన్న అనుమానాలు కూడా వ్యక్తమవుతున్నాయని ఏపీ సీఎం చంద్రబాబు నాయుడు అభిప్రాయపడ్డారు. హత్యఘటనపై అన్ని కోణాలో దర్యాప్తు విచారణ చేపడుతున్నామని నివేదిక ఆధారంగా కఠిన చర్యలు తీసుకుంటామని హెచ్చరించారు. మావోయిస్టుల ప్రమేయం, రాజకీయ కుట్ర ఉందా అన్న కోణంలో కూడా విచారణ జరుగుతుందని తెలిపారు. 

హత్యఘటనకు సంబంధించి పలు అనుమానాలు ఉన్నాయని కుటుంబ సభ్యులు చెప్తున్నారని చంద్రబాబు తెలిపారు. వైసీపీకి సంబంధించి అభ్యర్థి అటువైపుగా వెళ్లలేదని చంద్రబాబు గుర్తు చేశారు. అయితే విచారణ లేకుండా నేను ఎవరిని బ్లేమ్ చెయ్యాల్సిన అవసరం లేదన్నారు.  అరకు ఘటనకు సంబంధించి ఇష్టం వచ్చినట్లు ఎవరూ మాట్లొద్దని తెలిపారు. 

పొలిటికల్ ఇంటెలిజెన్స్, ఎస్ఐబీ, అన్ని విభాగాల నిఘా సంస్థలు ఉన్నాయని అయితే అవేమీ తెలియకుండా రాజకీయ ఆరోపణలు చేస్తున్నారని మండిపడ్డారు. నిఘా వ్యవస్థ పటిష్టంగా ఉందని చంద్రబాబు నాయుడు తెలిపారు. అయితే పోలీసులు మరింత అప్రమత్తంగా ఉండాల్సిన అవసరం ఉందన్నారు. అయితే నిఘా వ్వవస్థ ఫెయిల్ అంటూ చేస్తున్న వైసీపీ, బీజేపీ వ్యాఖ్యలను చంద్రబాబు నాయుడు ఖండించారు. నేరాలు చేసేవాళ్లు ఇలాంటి వ్యాఖ్యలు చేస్తున్నారని ఆగ్రహం వ్యక్తం చేశారు. 

సంబంధిత వార్తలు